ٹرمپ کی امیگریشن پالیسیز کے خلاف احتجا ج کا سلسلہ امریکیوں میں مقبول نیشنل فٹبال کے فائنل تک پہنچ گیا

واشنگٹن، 9 فروری (یو این آئی)
امریکی صدر ڈونلڈ ٹرمپ کی امیگریشن پالیسیز کے خلاف احتجا ج کا سلسلہ امریکیوں میں سب سے زیادہ مقبول نیشنل فٹبال کے فائنل سپر باول تک پہنچ گیا۔ اس سال کا بہترین البم کا گریمی ایوارڈجیتنے والے امریکی گلوگاربڈ بنی نے سپر باول میں پرفارمنس کے دوران صدر ٹرمپ کی امیگریشن پالیسی کو تنقید کا نشانہ بنایا اور اپنا گریمی ایوارڈ علامتی طور پر امریکی انفورسمنٹ فورس کے اہلکاروں کی جانب سے حراست میں لیے گئے 5 سالہ بچے کے نام کیا۔
گلوکار نے لاطینی امریکہ کے مختلف ممالک کے پرچم کے ساتھ اُن کے نام لیے اور سیاسی پیغام دیا کہ ہم مل کر امریکہ بناتے ہیں۔
امریکی صدر ٹرمپ کو بڈ بننی کی پرفارمنس ایک آنکھ نہ بھائی اور گلوکار کی پرفارمنس کو سپر باول کی تاریخ کی سب سے بُری کارکردگی قرار دے دیا۔
خیال رہے کہ امریکی تاریخ میں سب سے زیادہ دیکھا جانے والا سپر باول مقابلہ سیاٹل ہاک نے جیتا۔