وادی میں مزید بارشوں کا امکان

سرینگر//
محکمہ موسمیات کی پیش گوئی کے عین مطابق وادی کشمیر میں بدھ کی صبح سے ہی رک رک کر بارشوں کا سلسلہ شروع ہوا جس نے گرمی کی شدت کو توڑ کر لوگوں کیلئے راحت کا سامان فراہم کیا۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران گرج چمک کے ساتھ ہلکی سے درمیانی بارشوں کا امکان ہے ۔انہوں نے کہا کہ موسم کی یہی صورتحال اگلے دو دنوں تک جاری رہ سکتی ہے ۔
ادھر دارلحکومت سرینگر میں کم سے کم درجہ حرارت۸ء۱۸ڈگری سینٹی گریڈ ریکارڈ کیا گیا جو معمول سے ۷ء۰ڈگری سینٹی گریڈ زیادہ ریکارڈ ہوا تھا۔
وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران۱ء۲ملی میٹر بارش ریکارڈ ہوئی ہے جبکہ کم سے کم درجہ حرارت۵ء۱۱ڈگری سینٹی گریڈ ریکارڈ کیا گیا جو معمول سے ۳ء۰ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۸ء۱۲ڈگری سینٹی گریڈ نریکارڈ کیا گیا جو معمول سے۸ء۰ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں گذشتہ چوبیس گھنٹوں کے دوران۶ء۳ملی میٹر بارش ریکارڈ ہوئی ہے جبکہ کم سے کم درجہ حرارت۱ء۱۶ڈگری سینٹی گریڈ ریکارڈ کیا گیا جو معمول سے ۳ء۰ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۲ء۱۷ڈگری سینٹی گریڈ ریکارڈ کیا گیا جو معمول سے ۷ء۰ڈگری سینٹی گریڈ ریکارڈ ہوا تھا۔
جموں میں کم سے کم۲ء۲۷ ڈگری سینٹی گریڈ ریکارڈ کیا گیا جو جموں و کشمیر کے سرمائی دارالحکومت میں معمول سے ۴ء۲ ڈگری سینٹی گریڈ زیادہ ہے۔
بانہال میں کم سے کم درجہ حرارت ۴ء۱۸ ڈگری سینٹی گریڈ‘ بٹوٹ میں۷ء۱۹ ڈگری سینٹی گریڈ‘ کٹرا میں۸ء۲۳ ڈگری سینٹی گریڈ ریکارڈ کیا گیا جبکہ بھدرواہ میں کم سے کم درجہ حرارت۱ء۲۰ ڈگری سینٹی گریڈ ریکارڈ کیا گیا۔