پونچھ میں ایل او سی پر دراندازی کی کوشش ناکام:فوج

جموں//
ہندوستانی فوج کے جوانوں نے جموں و کشمیر کے پونچھ ضلع میں لائن آف کنٹرول (ایل او سی) کے ساتھ دراندازی کی ایک کوشش کو کامیابی سے ناکام بنا دیا ہے ۔ یہ جانکاری متعلقہ حکام نے دی ہے ۔
جموں میں فوج کے ترجمان لیفٹیننٹ کرنل دیویندر آنند نے بدھ کی علی الصبح بتایا کہ۱۲/۱۳جولائی کی درمیانی رات کے دوران پونچھ سیکٹر میں ایل او سی پر دراندازی کی کوشش کی گئی۔
ترجمان نے کہا کہ دراندازی کی کوشش کو سرحد پر الرٹ ہمارے فوجیوں نے ناکام بنادیا۔ مسٹر دیویندر آنند نے کہا کہ اس پر لمحہ بہ لمحہ جانکاری لی جا رہی ہے ۔
پونچھ ضلع میں جاری شری امرناتھ یاترا اور رواں ماہ شروع ہونے والی آئندہ بودھ امرناتھ یاترا کے پیش نظر فوج اور سیکورٹی فورسز ہائی الرٹ پر ہیں۔