بانڈی پورہ میں غرق آب ہو ئے لڑکے کی لاش بر آمد

سرینگر//
شمالی کشمیر کے ضلع بانڈی کے سونر وانی علاقے میں منگل کی شام سے لاپتہ ایک کمسن لڑکے کی نالہ مدھومتی سے لاش بر آمد کی گئی۔
تفصیلات کے مطابق بانڈی پورہ کے سونر وانی علاقے میں زاہد احمد ماگرے نامی لڑکا منگل کے روز چار بجے گھر سے نکلا تھا۔انہوں نے کہا کہ جب شام دیر گئے تک وہ واپس نہیں لوٹا تو گھر والے اس کوڈھونڈنے کے لئے ہمسایوں اور رشتہ داروں کے ہاں پہنچے ۔
ان کا کہنا تھا کہ جب لڑکے کا کوئی سرغ نہیں ملا تو انہوں نے بدھ کی صبح پولیس تھانے میں اس ضمن میں ایک رپورٹ درج کی۔
اطلاع موصول ہوتے ہی پولیس، ایس ڈی آر ایف، ایم اے آر سی او ایس اور فوج کی ایک مشترکہ ٹیم نے تلاش شروع کی اور لڑکے کو مدھو متی نالے میں غرقآب ہوئے دیکھا گیا۔
دریں اثنا پولیس نے واقعے کی تصدیق کرتے ہوئے کہا کہ اس لڑکے کے ڈوب جانے کی وجہ کی تحقیقات کی جائے گی۔