امر ناتھ یاترا جاری :اب تک سوا لاکھ یاتریوںکا گھپا کا درشن

سرینگر//
رواں سالانہ امرناتھ یاترا کے دوران اب تک زائد از سوا لاکھ یاتریوں نے پوتر گھپا کا درشن کیا ہے ۔
ماہ رواں کی آٹھ تاریخ کو بالتل کے نزدیک بادل پھٹنے کا واقعہ پیش آنے سے یہ یاترا دو روز تک معطل رہی تھی۔
اس واقعے کے نتیجے میں کم سے کم سولہ یاتریوں کی موت واقع ہوئی تھی۔
امرناتھ شرائن بورڈ کے ایک عہدیدار نے بتایا کہ اب تک زیاد ایک لاکھ اٹھائیس ہزار یاتریوں نے پوتر گھپا کا درشن کیا ہے ۔انہوں نے کہا کہ آٹھ جولائی کو بادل پھٹنے کے بعد یاترا معطل ہوئی تھی جس کے بعد اس کو بحال کر دیا گیا اور اب دونوں روٹوں بالتل اور پہلگام سے یہ یاترا جاری ہے ۔
سرکاری ذرائع نے بتایا کہ بھگوتی نگر بیس کیمپ سے بدھ کی صبح۶ہزار۴سو۱۵یاتریوں پر مشتمل قافلہ وادی کی طرف روانہ ہوا۔انہوں نے کہا کہ ان میں۲ہزار۴سو۲۸ یاتری بالتل جبکہ۳ہزار۹سو۸۷یاتری پہلگام کی طرف روانہ ہوگئے ۔
۴۳دنوں پر محیط یہ یاترا؍۱۱؍اگست کو رکشا بندھن کے موقع پر اختتام پذیر ہوگی۔