مصر میں منشیات کے بحالی مرکز میں آگ لگنے سے چھ افراد ہلاک

قاہرہ، 6 جنوری (یو این آئی) مصر کے دارالحکومت قاہرہ کے شمال میں واقع صوبہ قلیوبیہ میں منشیات کی بحالی کے ایک مرکز میں پیر کو آگ لگنے سے چھ افراد ہلاک اور سات دیگر زخمی ہو گئے ۔
سرکاری میڈیا نے یہ اطلاع دی۔
سرکاری اخبار الیوم کی رپورٹ کے مطابق اطلاع ملنے پر، سکیورٹی فورسز اور شہری تحفظ کے یونٹ، فائر انجنوں اور ایمبولینسوں کی مدد سے ، بنہا قصبے میں جائے وقوعہ پر پہنچ گئے ۔
رپورٹ میں بتایا گیا کہ فائر فائٹرز نے کافی کوشش کے بعد آگ پر قابو پالیا۔
حکام نے آگ لگنے کی وجہ جاننے کے لیے فرانزک تحقیقات کا حکم دے دیا ہے ۔