چار ماہ میں پہلی بار کورونا مثبت کیسوں نے ایک سو کا ہندسہ عبور کیا

جموں//
جموں کشمیر میں کووڈ۱۹ کے۱۱۳ نئے کیس رپورٹ ہوئے، جو چار مہینوں میں روزانہ سب سے زیادہ ہیں، حالانکہ گزشتہ ۲۴ گھنٹوں کے دوران وائرس کی وجہ سے کوئی موت نہیں ہوئی۔
ایک سرکاری بیان میں کہا گیا ہے کہ پچھلے چوبیس گھنٹوں کے دوران کورونا وائرس کے مجموعی۱۱۳نئے معاملات میںسے ۳۵کاکشمیر اور۷۸ کا تعلق جموں صوبہ سے ہے۔
بیان کے مطابق اِس طرح مثبت معاملات کی کل تعداد۴لاکھ۵۵ہزار۵۸۸تک پہنچ گئی ہے‘ جن میں سے۶۴۱(صوبہ جموں میں۴۲۹؍اور کشمیر صوبے میں۲۱۲)سر گرم معاملات ہیں۔اَب تک۴لاکھ۵۰ہزار۱۹۰؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بڈگام میں۲،ضلع شوپیان میںبھی ۲،ضلع بارہمولہ میں ایک اورضلع سرینگر میں۳۰نئے معاملے درج کئے گئے ہیں۔کولگام ، کپواڑہ ،اننت ناگ،پلوامہ ، بانڈی پورہ اور گاندربل اضلاع سے مثبت معاملات کی کوئی رِپورٹ نہیں ہے۔
اِسی طرح ضلع اودھمپورمیں۶، ضلع سانبہ میں۲، ضلع کٹھوعہ میں ۵، ضلع راجوری میں ۲، ضلع ڈوڈہ میں ایک اورضلع جموںمیں۶۲ نئے مثبت معاملے سامنے آئے ہیں۔رام بن،پونچھ، کشتواڑ اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں کے دوران کورونا جڑی کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۷تک پہنچ گئی ،جن میں سے۲۴۲۵کا تعلق کشمیر صوبہ سے اور۲۳۳۲کاتعلق جموں صوبہ سے ہیں۔
اِسی دوران آج مزید۶۶؍اَفراد شفایاب ہوئے ہیںجن میں۱۴ کاکشمیر اور۵۲کا تعلق جموں صوبہ سے ہیں۔