روس کے صدر پوتن کی 4 دسمبر کو ہندوستان آمد، سالانہ سربراہ اجلاس میں شرکت کریں گے

نئی دہلی، 28 نومبر (یو این آئی) روس کے صدر ولادیمیر پوتن 23ویں ہندوستان۔روس سالانہ سربراہ اجلاس میں شرکت کے لیے چار دسمبر کو ہندوستان کے دو روزہ دورے پر آ رہے ہیں۔ مسٹر پوتن وزیر اعظم نریندر مودی کی دعوت پر ہندوستان کا دورہ کر رہے ہیں۔ صدر جمہوریہ دروپدی مرمو روسی صدر پوتن کا استقبال کریں گی اور ان کے اعزاز میں عشائیہ دیں گی۔
وزارتِ خارجہ نے جمعے کے روز جاری ایک بیان میں کہا کہ مسٹر پوتن چار سے پانچ دسمبر تک ہندوستان کے دورے پر ہوں گے ، جہاں وہ ہندوستان۔ روس سالانہ سربراہ اجلاس میں حصہ لیں گے ۔ دورے کے دوران مسٹر پوتن مسٹر مودی سے گفتگو کریں گے ۔
مسٹر پوتن کا یہ دورہ ہندوستان اور روس کے دو طرفہ تعلقات کا جائزہ لینے ، خصوصی اور خصوصی اسٹریٹجک شراکت داری کو مضبوط کرنے کا وژن طے کرنے اور باہمی اہمیت کے علاقائی و عالمی امور پر خیالات کے تبادلے کا موقع فراہم کرے گا۔