ٹرمپ اور چینی صدر کی آئندہ ہفتے ملاقات متوقع، تجارتی تعلقات پر بات چیت کا امکان

واشنگٹن، 25 اکتوبر (یو این آئی) امریکی عہدے دار نے دعویٰ کیا کہ امریکی صدر ڈونلڈ ٹرمپ آئندہ ہفتے چینی صدر سے ملاقات میں تجارتی تعلقات پر بات کریں گے ۔
امریکی عہدیدار نے دعویٰ کیا کہ امریکی و چینی صدور کی ملاقات میں دیگر امور پر بھی گفتگو کا امکان ہے ۔
رپورٹس کے مطابق دو ہفتے کے دوران چین کے اعلان کردہ کچھ اقدامات پر امریکا کو تشویش ہے ۔
ادھر چینی سفارتخانے کا کہنا ہے کہ امریکا چین کے خلاف تجارت سے متعلق بے بنیاد الزامات لگارہا ہے ، امریکی الزامات اور اس سے متعلق تحقیقاتی اقدامات کی مخالفت کرتے ہیں۔
چینی سفارتخانے کی جانب سے کہا گیا کہ امریکہ غلط رویے کو فوراً درست کرے ۔