ریڈ کراس کے توسط سے یرغمالی کی باقیات اسرائیل کے سپرد

یروشلم، 18 اکتوبر (یو این آئی) اسرائیلی فوج نے کہا ہے کہ غزہ میں ریڈ کراس کو سونپا گیا ایک مردہ یرغمالی کی باقیات اب اسرائیل واپس آچکی ہے ۔اسرائیلی ڈیفنس فورسز (آئی ڈی ایف) نے سوشل میڈیا پلیٹ فارم ایکس پر ایک پوسٹ میں عوام سے اپیل کی ہے کہ وہ تحمل کا مظاہرہ کریں اور سرکاری شناخت کی تصدیق کا انتظار کریں۔
بی بی سی کی رپورٹ کے مطابق اسرائیلی وزیر اعظم کے دفتر کی جانب سے جاری ایک بیان میں عوام سے اپیل کی گئی ہے کہ وہ ایسی معلومات پھیلانے سے گریز کریں، جن کی باضابطہ طور پر تصدیق نہ ہوئی ہو۔ قابلِ ذکر ہے کہ حماس نے اس ہفتے غزہ میں موجود 28 مردہ یرغمالیوں میں سے 9 کی لاشیں واپس کر دی تھیں۔
اگر فا رنسک جانچ سے یہ ثابت ہو جاتا ہے کہ یہ باقیات بھی کسی یرغمالی کی ہے ، تو یہ غزہ سے برآمد ہونے والی دسویں لاش ہوجائے گی۔
ریڈ کراس کی بین الاقوامی کمیٹی (آئی سی آر سی) نے جمعہ کی رات ایک بیان میں کہا کہ ان کی ٹیم نے یرغمالیوں کی آخری رسومات کی پورے احترام سے ادائیگی کے لیے ہر ممکن اقدام کیے ہیں اور اب تل ابیب میں باقیات کی شناخت کا کام اسرائیلی فارنسک حکام کے سپرد کیا جائے گا۔