دہلی کے سنت سنگوان اور آیوش ڈوسیجا کی ڈبل سنچریاں

حیدرآباد، 16 اکتوبر (یو این آئی ) سنت سنگوان (211 ناٹ آؤٹ) اور آیوش ڈوسیجا (209) کی ڈبل سنچریوں کی بدولت دہلی نے جمعرات کو رنجی ٹرافی ایلیٹ گروپ ڈی کے میچ میں حیدرآباد کے خلاف چار وکٹ پر 529 رنز پر اپنی اننگز ڈکلیئر کردیا۔ اسٹمپ کے وقت حیدرآباد کا اسکورایک وکٹ پر 77 رنز تھا اور اب بھی دہلی کے پہلی اننگز کے اسکور سے 452 رنز پیچھے ہیں۔
دہلی نے کل تین وکٹ پر 256 رنز پر کھیل دوبارہ شروع کیا۔ سنت سنگوان اور آیوش ڈوسیجا جو اپنی سنچری کے قریب تھے، صبح کے سیشن میں اپنی اپنی سنچریاں مکمل کیں۔ اس کے بعد آیوش ڈوسیجا نے اپنی ڈبل سنچری مکمل کی۔ دونوں بلے بازوں نے تیسری وکٹ کے لیے 319 رنز جوڑے۔ 131ویں اوور میں چما ملند نے آیوش ڈوسیجا کو آؤٹ کر کے اس شراکت کو توڑا۔ آیوش ڈوسیجا نے 279 گیندوں میں 25 چوکوں اور پانچ چھکوں کی مدد سے 209 رنز بنائے۔ انوج راوت نے سنت سنگوان کے ساتھ اسکور کو آگے بڑھایا۔ اس دوران سنت سنگوان نے اپنی ڈبل سنچری بھی مکمل کی۔
آج میچ کے آخری سیشن کے اختتام سے قبل دہلی نے اپنی اننگز چار وکٹ پر 529 رن پر ڈکلیئر کردی۔ سنت سنگوان نے 470 گیندوں میں 21 چوکوں اور تین چھکوں کی مدد سے ناقابل شکست 211 رنز بنائے اور انوج راوت 29 رنز بنا کر ناٹ آؤٹ رہے۔حیدرآباد کی جانب سے چما ملند نے تین وکٹیں حاصل کیں۔ بی پنایا نے ایک وکٹ حاصل کی۔
حیدرآباد نے پہلے بیٹنگ کرتے ہوئے کھیل کے اختتام پر 17 اوور میں 1 وکٹ پر 77 رن بنائے تھے۔ تنمے اگروال 27 اور انیکیت ریڈی 11 رنز بنا کر ناٹ آؤٹ رہے۔ راہول سنگھ 35 رنز بنا کر آؤٹ ہوئے، ایوش بدونی
کی گیند پرایل بی ڈبلیو آؤٹ قرار پائے۔