بنگلہ دیش کے خلاف میچ میں آسٹریلیا کو جیت کایقین

وشاکھاپٹنم، 15 اکتوبر (یو این آئی) الیسا ہیلی کی دھماکہ خیز فارم اور ایلیس پیری کی مستقل مزاجی آئی سی سی ویمنز ورلڈ کپ 2025 کے 17ویں میچ میں آسٹریلیا خواتین اور بنگلہ دیش کی خواتین کے درمیان مچ میں اہم رول ادا کریں گی۔
ٹورنامنٹ میں اب تک ناقابل شکست رہنے والا آسٹریلیا اپنا تسلط برقرار رکھنے کے لیے ہیلی کی حالیہ سنچری، بیتھ مونی کی جارحانہ بیٹنگ اور اینابیل سدرلینڈ، ایشلے گارڈنر اور تہلیا میک گرا کی آل راؤنڈ صلاحیتوں پر انحصار کرےگا۔
کپتان اور وکٹ کیپر نگار سلطانہ کی قیادت میں بنگلہ دیش کو مسلسل تین شکستوں کے بعد ایک مشکل چیلنج کا سامنا ہے۔ ان کی امیدیں ٹاپ آرڈر بلے بازوں فرغانہ حق، روبیہ حیدر، شرمین اختر اور شورنا اختر پر ٹکی ہوئی ہیں، جب کہ بولرز ناہیدہ اختر، معروفہ اختر اور رابعہ خان کو آسٹریلیا کی مضبوط بیٹنگ لائن اپ کو روکنے کے لیے غیر معمولی کارکردگی دکھانے کی ضرورت ہوگی۔
انڈیا ویمن کے خلاف سنسنی خیز جیت کے بعد آسٹریلیا اس میچ میں داخل ہوگا، جہاں ہیلی کی سنچری نے انہیں ریکارڈ ہدف کا تعاقب کرنے میں مدد کی۔ ایلیس پیری اور بیتھ مونی نے مسلسل اچھی کارکردگی کا مظاہرہ کیا ہے، جبکہ پچھلے میچ میں سدرلینڈ کی پانچ وکٹیں آسٹریلیا کی باؤلنگ کی طاقت کو نمایاں کرتی تھیں۔ ٹیم کو کم گارتھ اور میگن شٹ سے ابتدائی کامیابیوں کی امید ہو گی، جبکہ گارڈنر اور سوفی مولینکس درمیانی اوورز میں کنٹرول رکھیں گے۔
پوائنٹس ٹیبل کے نچلے نصف میں مشکلات کا شکار بنگلہ دیش کو ٹورنامنٹ میں برقرار رہنے کے لیے مکمل کارکردگی کی ضرورت ہے۔