جموں کشمیر میں کوروان وائر س کے مزید ۷۴ مثبت معاملات درج ‘کوئی تازہ موت نہیں

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے ۷۴نئے معاملات سامنے آئے ہیںجن میں ۲۴کاکشمیر اور ۵۰ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۵ہزار۲۳۷تک پہنچ گئی ہے‘جن میں سے۵۶۱(صوبہ جموں میں۳۹۹؍اور کشمیر صوبے میں۱۶۲)سر گرم معاملات ہیں۔اَب تک۴لاکھ۴۹ہزار۹۴۰ اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بارہمولہ میں ایک‘ضلع پلوامہ میں۲‘ضلع اسلام آباد میں ایک اورضلع سرینگر میں۲۰ نئے معاملے درج کئے گئے ہیں۔کولگام‘بڈگام ‘ کپواڑہ‘بانڈی پورہ ‘ گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع رام بن میں۳‘ ضلع اودھمپور میں۲‘ضلع راجوری میں ایک‘ضلع کٹھوعہ میں۳‘ضلع سانبہ میں۲؍اورضلع جموںمیں۳۹نئے مثبت معاملے سامنے آئے ہیں۔پونچھ، کشتواڑ، ڈوڈہ اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۵۸؍اَفراد شفایاب ہوئے ہیںجن میں۱۸صوبہ کشمیر اور۴۰کا تعلق جموں صوبہ سے ہے۔
بیان میں کہا گیا ہے کہ گزشتہ ۲۴ گھنٹوں میں دونوں صوبوں میں کورونا وائرس سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۶تک پہنچ گئی ،جن میں سے۲۴۲۵کاکشمیر اور۲۳۳۱کاتعلق جموں صوبہ سے ہیں۔