ڈبلیو پی ایل ٹیموں کو پانچ کھلاڑیوں کو برقرار رکھنے کی اجازت

نئی دہلی، 9 اکتوبر (یو این آئی ) 2026 کے سیزن کے لیے فرنچائزز ویمنز پریمیئر لیگ (ڈبلیو پی ایل) میگا نیلامی سے قبل زیادہ سے زیادہ پانچ کھلاڑیوں کو برقرار رکھ سکتی ہیں۔ ESPNcricinfo کے مطابق کھلاڑیوں کو برقرار رکھنے کی آخری تاریخ 5 نومبر ہے اور ٹیموں کو اس بارے میں آگاہ کر دیا گیا ہے، جبکہ نیلامی کا عمل 25 سے 29 نومبر کے درمیان متوقع ہے۔
جمعرات کو تمام فرنچائزز کو بھیجے گئے ایک ای میل میں، ڈبلیو پی ایل نے کہا کہ ہر ٹیم زیادہ سے زیادہ تین کیپڈ ہندوستانی کھلاڑیوں، دو غیر ملکی کھلاڑیوں اور دو غیر کیپڈ ہندوستانی کھلاڑیوں کو برقرار رکھ سکتی ہے۔ اگر کوئی فرنچائز پانچ کھلاڑیوں کو برقرار رکھتی ہے، تو کم از کم ایک غیر کیپڈ ہندوستانی کھلاڑی ان میں سے ہونا چاہیے۔
پہلی بارWPL نے فرنچائزز کو "Right-to-Match (RTM)” کا اختیار دینے کا فیصلہ کیا ہے، جس سے ٹیموں کو نیلامی میں اپنے سابقہ کھلاڑیوں کو دوبارہ حاصل کرنے کی اجازت دی گئی ہے جو 2025 کے سیزن کے لیے ان کے ساتھ تھے۔
اگر کوئی فرنچائز پانچ کھلاڑیوں کو برقرار رکھتی ہے تو اس کے پرس سے ₹9.25 کروڑ کاٹے جائیں گے۔ چار کھلاڑیوں کے لیے 8.75 کروڑ، تین کے لیے 7.75 کروڑ، دو کے لیے 6 کروڑ اور ایک کے لیے 3.5 کروڑ روپے کاٹے جائیں گے۔
فرنچائزز زیادہ سے زیادہ پانچ RTM استعمال کر سکتی ہیں، لیکن اگر وہ پانچ کھلاڑیوں کو برقرار رکھتی ہیں، تو RTM آپشن دستیاب نہیں ہوگا۔
ڈبلیو پی ایل نے یہ بھی واضح کیا ہے کہ ٹیمیں کھلاڑیوں کے ساتھ ریٹینشن سلیب میں درج گائیڈ لائن قیمت کے علاوہ کسی اور قیمت پر بات چیت کر سکتی ہیں، لیکن اگر اصل ادائیگی سلیب سے زیادہ ہوتی ہے تو اضافی رقم نیلامی کے پرس سے کاٹی جائے گی۔
غیر کیپڈ ہندوستانی کھلاڑی کے لیے کم از کم رقم 50 لاکھ روپے مقرر کی گئی ہے، لیکن ٹیم اور کھلاڑی کے درمیان باہمی معاہدے کے مطابق اس رقم میں اضافہ کیا جا سکتا ہے۔
ڈبلیو پی ایل نے نیلامی تک کی تمام اہم آخری تاریخوں کا بھی اعلان کیا ہے: