بارسلونا کے لامین یامل کی تمام تر توجہ چیمپئنز لیگ آئندہ میچ پر مرکوز

بارسلونا 30 ستمبر(یو این آئی ) بارسلونا کے نوجوان ونگر لامین یامل نے اپنی تمام تر توجہ پیرس سینٹ جرمن (پی ایس جی)کے خلاف چیمپئنز لیگ کے اہم میچ پر مرکوز ہے۔ بارسلونا اور پیرس سینٹ جرمن کے درمیان یکم اکتوبر کو شیڈول ہے۔اے ایف پی کے مطابق ونگر لامین یامل جو حال ہی میں بیلن ڈی اور جیتنے والے سب سے کم عمر کھلاڑی بننے کے قریب تھے۔
18 سالہ لامین یامل رواں سال بیلن ڈی اور ایوارڈ کے لیے دوسرے نمبر پر رہے، جبکہ یہ اعزاز پی ایس جی کے سٹار عثمان ڈیمبیلے کو ملا تھا۔پی ایس جی کے سٹار عثمان ڈمبیلے انجری کے باعث اس میچ سے باہر ہو چکے ہیں۔ عثمان ڈمبیلے کی غیر موجودگی میں لامین یامل کو اپنی صلاحیتوں کے اظہار کا بہترین موقع میسر آئے گا۔ بارسلونا کے لامین یامل نے گزشتہ سیزن میں بارسلونا کو چیمپئنز لیگ کے سیمی فائنل تک پہنچانے میں اہم کردار ادا کیا تھا۔
اگرچہ انہوں نے انٹر میلان کے خلاف دو شاندار پرفارمنسز دیں، لیکن کوچ ہانسی فلِک کی ٹیم فائنل میں جگہ بنانے سے محروم رہی۔فائنل میں جگہ پی ایس جی نے حاصل کی، جنہوں نے انٹر میلان کو با آسانی شکست دے کر اپنی پہلی چیمپئنز لیگ ٹرافی جیتی۔لامین یامل نے وعدہ کیا ہے کہ وہ بارسلونا کے لیے چیمپئنز لیگ کا تاج واپس لائیں گے ۔ ایک خواب جو لیونل میسی کے دور کے بعد سے اب تک ادھورا ہے، کیونکہ بارسلونا نے آخری بار یہ ٹرافی 2015 میں جیتی تھی۔اگرچہ لامین یامل کی انفرادی کارکردگی غیر معمولی رہی ہے، ماہرین کا کہنا ہے کہ بارسلونا نے گزشتہ سیزن میں ان کے بغیر بھی بہتر کھیل پیش کیا، جو ٹیم کی مجموعی بہتری کی نشاندہی کرتا ہے۔