سمردیپ گل نے شاٹ پٹ میں گولڈ میڈل جیتا

رانچی، 30 ستمبر (یو این آئی) ابھرتے ہوئے ہندوستانی شاٹ پٹر سمردیپ گل نے نیشنل اوپن ایتھلیٹکس چیمپئن شپ 2025 میں شاندار کارکردگی کا مظاہرہ کرتے ہوئے دو بار کے ایشیائی کھیلوں کے چیمپئن تاجندر پال سنگھ تور کو شکست دے کر طلائی تمغہ جیت لیا۔
اولمپک ڈاٹ کام کی رپورٹ کے مطابق،”ہندوستان کے ابھرتے ہوئے شاٹ پٹر سمردیپ گل نے پیر کو رانچی میں ہونے والی نیشنل اوپن ایتھلیٹکس چیمپئن شپ 2025 میں دو بار کے ایشیائی کھیلوں کے چیمپئن تاجندرپال سنگھ تور کو شکست دے کر طلائی تمغہ جیتا۔”
برسا منڈا اسٹیڈیم میں مقابلہ کرتے ہوئے سمردیپ گِل نے اپنی چھٹی اور آخری کوشش میں 19.79 میٹر کا فاتح تھرو پھینکا، جب کہ تاجندرپال سنگھ طور نے بھی آخری کوشش میں 19.32 میٹر پھینکا، روی کمار (18.23 میٹر) نے کانسہ کا تمغہ جیتا۔