شاہ اور نڈا نے دین دیال اپادھیائے کی یوم پیدائش پر ان کے مجسمے پر پھول چڑھاکر خراج عقیدت کیا

نئی دہلی، 25 ستمبر (یو این آئی) بھارتیہ جنتا پارٹی کے صدر جے پی نڈا اور مرکزی وزیر داخلہ امت شاہ نے پنڈت دین دیال اپادھیائے کو ان کی یوم پیدائش پر ان کے مجسمے پر پھولوں کے ہار چڑھا کر خراج عقیدت پیش کیا۔ اس موقع پر دونوں رہنماؤں نے پودا بھی لگایا۔
بی جے پی صدر مسٹر نڈا نے جمعرات کو پارٹی ہیڈکوارٹر میں سوچھتا ہی سیوا مہم میں حصہ لیا، انتیودیا کے بانی دین دیال اپادھیائے کو ان کی یوم پیدائش پر خراج عقیدت پیش کیا۔ انہوں نے اپنی پوسٹ میں لکھاکہ "بھارتیہ جنتا پارٹی کے بانی اور ‘انٹیگرل ہیومنزم’ کے علمبردار، پنڈت دین دیال اپادھیائے کے یوم پیدائش پر، میں نے آج بی جے پی کے مرکزی دفتر میں ان کے مجسمے پر پھول چڑھا کر خراج عقیدت پیش کیا۔ پنڈت دین دیال کی پوری زندگی ہندوستانی ثقافت، قومی خدمات اور قومی وقار کے لیے وقف تھی۔ ‘انتودیا’ ہمیں ہمیشہ معاشرے کے نچلے حصے کے لوگوں کی خدمت کرنے کی ترغیب دیتا رہے گا۔
مرکزی وزیر داخلہ امت شاہ نے انسٹاگرام پر اپنی پوسٹ میں لکھاکہ "دین دیال اپادھیائے نے انتودیا ور ثقافتی قوم پرستی کا تصور دے کر جن مضبوط اور خوددار قوم کا تصورپیش کیا تھا وہ آج پورا ہورہا ہے ۔ پنڈت دین دیال کی یوم پیدائش کے موقع پر بی جے پی ہیڈکوارٹر میں، میں نے پھول چڑھا کر ملک کی تعمیر میں ان کے تعاون کو خراج عقیدت پیش کیا۔”
ایک اور پوسٹ میں انہوں نے لکھا کہ 17 ستمبر سے 2 اکتوبر تک ملک بھر میں سیوا پکھواڑہ بڑے جوش و خروش سے منایا جا رہا ہے ، جس کے دوران خدمت، ثقافت اور ماحولیات سے متعلق مختلف سرگرمیاں کی جا رہی ہیں۔ آج اس کے ایک حصے کے طور پر بی جے پی ہیڈکوارٹر میں دین دیال اپادھیائے پارک میں ‘سندور’ کا درخت لگایا گیا۔