محکمہ آبی وسائل نے سوچھتا ہی سیوا مہم کا آغاز کیا

نئی دہلی، 19 ستمبر (یو این آئی) جل شکتی کی وزارت کے تحت آبی وسائل، ندیوں کی ترقی اور گنگا کی بحالی کے محکمہ نے اس سال کی تھیم "سوچھ اتسو” کے ساتھ اپنی مختلف تنظیموں اور علاقائی دفاتر میں سوچھتا ہی سیوا مہم شروعات کی ہے ۔
محکمہ کی طرف سے سووچھتا اتسو پکھواڑہ 17 ستمبر سے 2 اکتوبر تک چلایا جا رہا ہے ۔ یہ مہم "سوچھ بھارت” مشن کے مطابق ہے اور اس کا مقصد صفائی، صحت اور عوامی شرکت کی اہمیت پر زور دینا ہے ۔
ماحولیات، جنگلات اور موسمیاتی تبدیلی کی وزارت نے ای-فضلات کو ٹھکانے لگانے پر خصوصی زور دیا ہے ، اور وہ آپریٹنگ طریقہ کار اور ای ویسٹ منیجمنٹ رولز 2022 میں جاری کردہ رہنما ہدایات پر سختی سے عمل پیرا ہے ۔ ای-فضلات کو ٹھکانے لگانے کے علاوہ، یہ مہم سروس کی فراہمی، پارلیمانی یقین دہانیوں، اراکین پارلیمنٹ، وزیرِ اعظم اور ریاستی وزرائے اعلیٰ کے حوالہ جات کو بھی یقینی بنائے گی۔
اس مہم کا مقصد ہر اہلکار اور شہری کو صاف ستھرا ماحول برقرار رکھنے ، صفائی ستھرائی کو فروغ دینے اور پائیدار اور صحت مند ماحول کے واسطے اجتماعی عزم کو مضبوط بنانے کے لیے فعال کردار ادا کرنے کی ترغیب دینا ہے