بانسواڑہ میں 2800 میگاواٹ کے نیوکلیئر پاور پروجیکٹ کا سنگ بنیاد 25 ستمبر کو رکھا جائے گا

نئی دہلی، 19 ستمبر (یو این آئی) راجستھان کے بانسواڑہ ضلع میں انوشکتی ودیوت نگم لمیٹڈ (اشونی) کے مجوزہ 2800 میگاواٹ کے میگا نیوکلیئر پاور پروجیکٹ کا سنگ بنیاد 25 ستمبر کو رکھا جائے گا۔
وزیر اعظم نریندر مودی وہاں ایک تقریب میں اس پروجیکٹ کا سنگ بنیاد رکھیں گے ۔ 700-700 میگاواٹ کی چار اکائیوں پر مشتمل اس منصوبے کی پہلی اکائی کے سال 2031 تک شروع ہونے کی امید ہے اور اس سے ملک کی ایٹمی توانائی کی صلاحیت کو 2047 تک ایک لاکھ میگاواٹ تک پہنچانے کے کام کو رفتار ملے گی۔
جمعہ کے روز جاری ایک سرکاری اعلامیے میں بتایا گیا کہ ماہی بانسواڑہ راجستھان اٹامک پاور پروجیکٹ پر اندازاً 42 ہزار کروڑ روپے کی سرمایہ کاری کی جائے گی۔
یہ منصوبہ سرکاری شعبے کی کمپنی نیوکلئیر پاور کارپوریشن آف انڈیا اور این ٹی پی سی لمیٹڈ کے مشترکہ ادارے اشوِنی کے ذریعے تیار کیا جا رہا ہے ، جس میں 700-700 میگاواٹ ایٹمی بجلی صلاحیت کی چار اکائیاں قائم کی جائیں گی