انگلش پریمیئر فٹ بال لیگ میں ہفتہ کو مزید 6میچ کھیلے جائیں گے

لندن ،19 ستمبر(یو این آئی ) انگلش پریمیئر فٹ بال لیگ میں کل (ہفتہ کو )مزید 6 میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ دفاعی چیمپئن لیورپول اور ایورٹن کی ٹیموں کے درمیان اینفلیڈ،لیورپول میں کھیلا جائے گا،دوسرا میچ برائٹن اینڈ ہوو البیون اور ٹوٹنہم ہاٹ پور کی ٹیموں کے درمیان امریکن ایکسپریس سٹیڈیم، فالمر میں کھیلا جائے گا،تیسرے میچ میں برنلے اور ناٹنگھم فارسٹ کی ٹیمیں آمنے سامنے ہوں گی اور یہ میچ ٹرف مور، برنلے میں کھیلا جائے گا، چوتھا میچ ویسٹ ہیم یونائیٹڈ اور کرسٹل پیلس کی ٹیموں کے درمیان لندن سٹیڈیم،لندن میں کھیلا جائے گا،پانچواں میچ وولور ہیمپٹن اور لیڈز یونائیٹڈ کی ٹیموں کے درمیان مولینکس اسٹیڈیم، وولور ہیمپٹن میں کھیلا جائے گاجبکہ 20 ستمبر کا چھٹا اور آخری میچ مانچسٹر یونائیٹڈ اور چیلسی کے درمیان اولڈ ٹریفورڈ، مانچسٹر میں کھیلا جائے گا۔
یہ مجموعی طور پر ٹاپ فلائٹ انگلش فٹ بال کا 127واں ایڈیشن ہوگاجس کے شیڈول کا اعلان 18 جون 2025 کو کیا گیا تھا۔ لیورپول کی ٹیم ای پی ایل میں اپنے اعزاز کا دفاع کرے گی،جس نے گزشتہ سیزن میں اپنا دوسرا ای پی ایل ٹائٹل اپنے نام کیا تھا اور مجموعی طور پر بیسواں انگلش ٹاپ فلائٹ تاج اپنے سر سجایا تھا ۔ انگلش پریمیئر لیگ کے آئندہ سیزن میں شامل 20 کلبوں کی ٹیموں میں دفاعی چیمپئن لیورپول،آرسنل،آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس،ایورٹن،فلہم،لیڈز یونائیٹڈ،مانچسٹر سٹی،مانچسٹر یونائیٹڈ،نیوکیسل یونائیٹڈ،ناٹنگھم فارسٹ،سنڈرلینڈ،ٹوٹنہم ہاٹ پور،ویسٹ ہیم یونائیٹڈ اور وولور ہیمپٹن شامل ہیں۔