سوپور میں ۵۴ کلو پوست بر آمد‘جموں میںبڑی مقدار میں گانجا بر آمد:پولیس

سرینگر/۱۹ستمبر
منشیات اسمگلنگ کے خلاف ایک بڑی کامیابی میں پولیس نے شمالی کشمیر کے قصبہ سوپور میں ایک ناکہ چیکنگ آپریشن کے دوران بھاری مقدار میں پوست کی کھیپ بر آمد کی ہے اور ایک ملزم کو گرفتار کیا ہے ۔
ایک پولیس ترجمان نے اپنے ایک بیان میں بتایا کہ پولیس اسٹیشن تارزو کی ایک ٹیم نے صوفی حمام تارزو میں ناکے کے دوران ایک لوڈ کیرئرجو نگلی سے چھان کھن کی طرف آ رہا تھا، کو روکا۔انہوں نے کہا کہ تلاشی کے دوران لوڈ کیرئر سے۵۴ پوست بر آمد کی گئی۔
بیان میں کہا گیا کہ اس کے بعد لوڈ کیرئر کے ڈرائیور کو بر سر موقع ہی گرفتار کیا گیا۔
گرفتار شدہ کی شناخت جاوید احمد ڈار ولد غلام محی الدین ڈار ساکن چھان کھن سوپور کے طور پر ہوئی ہے ۔
پولیس ترجمان نے بتایا کہ اس سلسلے میں پولیس اسٹیشن تارزو میں این ڈی پی ایس ایکٹ کے تحت زیر ایف آئی آر نمبر۲۰۲۵/۱۲۴ایک مقدمہ درج کیا گیا اور مزید تحقیقات شروع کی گئی۔
ترجمان نے کہا کہ سوپور پولیس منشیات کی فروخت اور اسمگلنگ کے خلاف اپنی صفر رواداری کی پالیسی کا اعادہ کرتی ہے اور اس طرح کی کارروائیاں منشیات کے ماحولیاتی نظام کو ختم کرنے کیلئے ہماری تیز کوششوں کو اجاگر کرتی ہیں۔
پولیس نے عوام سے ایک بار پھر تاکید کی ہے کہ وہ چوکس رہیں اور بروقت معلومات فراہم کرکے تعاون کریں اور منشیات سے پاک سوپور کے لیے اجتماعی لڑائی کو تقویت دیں۔
اس دوران جموں پولیس نے ایک بین ریاستی منشیات فروش کو گرفتار کرکے اس کی تحویل سے بھاری مقدار میں گانجا جیسا ممنوعہ مواد بر آمد کیا۔
ایک پولیس ترجمان نے اپنے ایک بیان میں کہا کہ پولیس اسٹیشن ڈومانا نے ڈومانا میں ایک ناکے کے دوران ایک شخص کو روکا۔
ترجمان نے کہا کہ تلاشی کے دوران اس کی تحویل سے۷کلو گانجا جیسا ممنوعہ مواد بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔گرفتار شدہ کی شناخت پپو کمار ولد وجے رائے ساکن یار پور پٹنہ بہار کے طور پر ہوئی ہے ۔
بیان میں کہا گیا کہ اس سلسلے میں پولیس اسٹیشن ڈومانا میں این ڈی پی ایس ایکٹ کے تحت زیر ایف آئی آر نمبر۲۰۲۵/۲۰۵؍ایک مقدمہ درج کیا گیا اور مزید تحقیقات شروع کی گئی۔انہوں نے کہا کہ جموں پولیس معاشرے سے منشیات کی بیخ کنی کیلئے پر عزم ہے ۔
پولیس لوگوں سے اس ضمن میں بھر پور تعاون کرنے کی اپیل کی۔