امبانی نے مودی کو ”بھگوان کا بھیجا ہوا اوتار” قرار دیا

نئی دہلی، 17 ستمبر (یو این آئی) ریلائنس انڈسٹریز کے چیئرمین اور منیجنگ ڈائرکٹر (سی ایم ڈی) مکیش امبانی نے بدھ کو وزیر اعظم نریندر مودی کو "بھگوان کا بھیجا ہوا اوتار (اوتار)” قرار دیا اور کہا کہ یہ کوئی اتفاق نہیں ہے کہ مسٹر مودی کا امرت مہوتسو (75 سال کا ہونا) ملک کے امرت کال میں ہوا ہے ۔
مسٹر امبانی نے آج جاری ایک ویڈیو پیغام میں وزیر اعظم کو ان کی سالگرہ پر مبارکباد دیتے ہوئے یہ بیان دیا۔ انہوں نے کہاکہ ”خود بھگوان نے مودی کو ایک اوتار (اوتار) کے طور پر بھیجا ہے تاکہ ملک کو دنیا میں بہترین بننے کے سفر پر لے جا سکیں”۔
ریلائنس انڈسٹریز کے سی ایم ڈی نے کہا کہ مسٹر مودی ایک ایسے لیڈر ہیں جو ملک اور اس کے شہریوں کے بہتر مستقبل کے لیے انتھک محنت کر رہے ہیں۔ انہوں نے سب سے پہلے گجرات کو معاشی پاور ہاؤس میں تبدیل کیا اور اب پورے ملک کو عالمی سپر پاور میں تبدیل کر رہے ہیں۔
مسٹر امبانی نے کہا کہ مسٹر مودی کو تین دہائیوں سے زیادہ عرصے سے قریب سے جاننا ایک اعزاز کی بات ہے ۔
انہوں نے خواہش ظاہر کی کہ وہ ملک کی آزادی کے 100 سال مکمل ہونے تک اس عہدے پر رہیں۔ انہوں نے پوری کاروباری برادری، ریلائنس انڈسٹریز اور امبانی خاندان کی جانب سے وزیر اعظم کو سالگرہ کی مبارکباد دی۔