ہندوستانی گیند بازوں کا خوف ۔پاکستانی بلے بازوں نے 10 اوورز سے زیادہ ڈاٹ بالز کھیلے

ایشیا کپ میں پاکستانی بیٹنگ ہندوستانی بولنگ کے سامنے ریت کا دیوار ثابت ہوئی۔
ٹی ٹوئنٹی میچ میں پاکستانی بلے بازوں نے 10 اوورز سے زیادہ ڈاٹ بالز کھیلے۔ اس طرح پاکستان نے ٹی ٹوئنٹی کو ٹیسٹ بنا دیا۔ پاکستانی بلے بازوں نے بیس اوورز کے میچ میں تریسٹھ ڈاٹ بالز کھیلیں۔ یوں کہیں 63 گیندوں پر کوئی رن ہی نہیں بنا سکے۔
صاحبزادہ فرحان نے اکیس، کپتان سلمان نے نو، فہیم اشرف نے سات، فخرزمان نے چھ گیندوں پر کوئی اسکور نہیں کیا۔ پاکستانی بیٹرز تو چل میں آیا کے مترادف کریز پر آتے اور پویلین لوٹتے رہے۔پاکستانی بلے بازوں کی ناکامی کا اندازہ اس بات سے لگایا جا سکتا ہے کہ ٹیم کی نصف سنچری 11 ویں اوور اور سنچری 19 ویں اوور میں مکمل ہوئی۔