امریکہ میں زیر حراست کوریائی باشندوں کی اس ہفتے وطن واپسی متوقع

سیول، 8 ستمبر (یو این آئی) امریکہ میں جنوبی کوریا کے زیر حراست تقریباً 300 کارکنوں کے اس ہفتے کے آخر میں چارٹرڈ فلائٹ سے وطن واپس آنے کی توقع ہے ۔ خبر رساں ایجنسی یونہاپ نے پیر کے روز جنوبی کوریا کے ایک سفارت کار کے حوالے سے یہ اطلاع دی۔
واشنگٹن میں جنوبی کوریا کے سفارت خانہ کے قونصل جنرل چو کی جونگ کے حوالے سے میڈیا رپورٹ میں بتایا گیا کہ زیر حراست کوریائی باشندوں کی واپسی کی تاریخ بدھ کو طے ہے ، جب چارٹرڈ طیارہ فلوریڈا کے جیکسن ویل انٹرنیشنل ایئرپورٹ روانہ ہوگا۔
امریکی امیگریشن حکام نے 4 ستمبر کو الیکٹرک وہیکل بیٹری پلانٹ کی تعمیراتی سائٹ پر چھاپے کے بعد 475 افراد کو حراست میں لیا تھا، جن میں تقریباً 300 جنوبی کوریائی باشندے شامل تھے ، جو ہیونڈئی موٹر گروپ اور ایل جی انرجی سالیوشن کا مشترکہ منصوب ہے ۔
صدارتی نمائندہ کانگ ہون سک نے اتوار کے روز کہا کہ زیر حراست جنوبی کوریائی باشندوں کی رہائی کے لیے بات چیت نتیجہ خیز رہی ہے ۔ انہوں نے کہا کہ انتظامی کارروائیاں مکمل ہونے کے بعد چارٹرڈ طیارہ جنوبی کوریا کے باشندوں کو وطن لانے کے لیے روانہ ہوگا۔
یو این آئی۔ م ش۔