برتوال نے ورلڈ باکسنگ چیمپئن شپ میں ہندوستان کے لیے فاتحانہ آغاز کیا

لیورپول (برٹین) 4 ستمبر (یواین آئی) ہندوستانی باکسر پون برتوال نے جمعرات کو مردوں کے 55 کلوگرام وزن کے زمرے کے قریبی باؤٹ میں برازیل کے مائیکل ڈگلس ٹرینڈے کو شکست دے کر ورلڈ باکسنگ چمپئن شپ میں فاتحانہ آغاز کیا۔
آج یہاں کھیلے گئے میچ میں پہلے دو راؤنڈ کے بعد برتوال اور ترینڈے برابری پرتھے لیکن دوسرے راؤنڈ میں ٹرینڈے نے برتوال کی برتری ختم کر دی۔ اس کے بعد برتوال نے تیسرے اور آخری راؤنڈ میں دباؤ میں اپنی مہارت کا مظاہرہ کیا اور اپنے برازیلین حریف کو پیچھے کیا اور پھر اپنے مکے سے ججز کو متاثر کرکے پہلا مقابلہ 3:2 سے جیت لیا۔
باکسنگ کی حال ہی میں تشکیل دی گئی بین الاقوامی گورننگ باڈی کے زیراہتمام منعقد ہونے والی اس پہلی عالمی چیمپئن شپ میں ہندوستان نے 20 رکنی ٹیم کو میدان میں اتارا ہے۔
تین دیگر ہندوستانی ساکشی (خواتین 54 کلوگرام)، سنماچا چانو (خواتین 70 کلوگرام) اور ہرش چودھری (مرد 90 کلو گرام) شام کے سیشن میں مقابلہ کریں گے۔