جنوبی افریقہ نے خواتین کے ون ڈے ورلڈ کپ کے لیے 15 رکنی اسکواڈ کا اعلان کیا

کیپ ٹاؤن، 3 ستمبر (یواین آئی) جنوبی افریقہ نے رواں ماہ کے آخر میں ہونے والے ایک روزہ ورلڈ کپ کے لیے اعلان کردہ 15 رکنی اسکواڈ میں 17 سالہ وکٹ کیپر بلے باز کرابو میسو کو شامل کیا ہے۔
سلیکٹرز نے لورا وولوارڈ کی زیر قیادت ٹیم میں ٹاپ آرڈر بلے باز اینیک بوش اور آل راؤنڈر نادین ڈی کلرک اور اینری ڈرکسن کو بھی ٹیم میں شامل کیا ہے۔ یہ تینوں اس سے قبل ٹی ٹوئنٹی ورلڈ کپ میں ٹیم کا حصہ رہ چکی ہیں۔ یہ تینوں کھلاڑی اور میسو پہلی بار ایک روزہ ورلڈ کپ میں کھیلیں گی۔
میسو نے صرف دو ون ڈے اورکل سات سینئر انٹرنیشنل میچ کھیلے ہیں، لیکن دو انڈر 19 ورلڈ کپ میں حصہ لے چکی ہیں نیز اس سال کے شروع میں اسٹین سٹی کے ساتھ جنوبی افریقہ 20 اسکولز کا ٹائٹل جیتا ہے۔ میسو ان دو کھلاڑیوں میں سے ایک ہیں جو پہلی بار ورلڈ کپ میں کھیلیں گی۔ آف اسپن گیندباز آل راؤنڈر نونڈومیسو شانگاسے کا یہ پہلا ون ڈے ورلڈ کپ ہے۔
ویمنز ون ڈے ورلڈ کپ کے لیے جنوبی افریقہ کا اسکواڈ درج ذیل ہے:- لورا وولوارڈٹ، اینیک بوش، تاجمین برٹس، نادین ڈی کلرک، اینیری ڈرکسن، سینالو جافتا، مارجن کپ، آیابونگا کھاکا، مساباتا کلاس، سنی لوس، کرابو میسو، نانکلولیکوملابا، تمی سیخوخونے، نونڈومیسو شانگاسے اور کلو ٹرایون۔