دلیپ ٹرافی کے سیمی فائنل میں سب کی نظریں ائیر، جیسوال اور پاٹیدار پرہوں گی

بنگلورو، 3 ستمبر (یو این آئی) دلیپ ٹرافی 2025-26 کے سیمی فائنل میں ویسٹ زون کی مضبوط ٹیم شاردل ٹھاکر کی قیادت میں سنٹرل زون کے ساتھ بھڑے گی۔
کوارٹر فائنل میں سنٹرل زون کی ٹیم نے پہلی اننگ میں برتری حاصل کرتے ہوئے سیمی فائنل میں جگہ بنائی تھی۔ تاہم، اب ان کا سامنا ویسٹ زون کی بے حد مضبوط ٹیم کے ساتھ ہے، جس میں یشسوی جیسوال، شریاس ائیر، رتوراج گائیکواڑ اور تشار دیشپانڈے شامل ہیں۔
سرفراز خان یہ میچ نہیں کھیلیں گے۔ وہ بوچی بابو ٹورنامنٹ کے دوران زخمی ہوئے تھے۔ اس کے کواڈریسیپس میں چوٹ لگی تھی۔ ٹھاکر اور دیش پانڈے ویسٹ زون کے تیز گیندبازی اٹیک کی ذمہ داری سنبھالیں گے۔ وہیں اسپن گیندبازی میں ان کے پاس شمس ملانی اور تنوش کوٹیان کا آپشن ہے۔
سینٹرل زون کی ٹیم میں کلدیپ یادو نہیں ہیں۔ انہیں ایشیا کپ کے لیے منتخب کیا گیا ہے۔ اس کے علاوہ کپتان دھرو جریل بھی چوٹ کی وجہ سے یہ میچ نہیں کھیل پائیں گے۔ ان کے گروئن میں تناؤ کا مسئلہ ہے۔ وہ کوارٹر فائنل میں بھی شرکت نہیں کر سکے تھے۔ ودربھ کے وکٹ کیپر بلے باز اکشے واڈکر کو جورل کی جگہ ٹیم میں شامل کیا گیا ہے۔ رجت پاٹیدار کو کپتانی کی ذمہ داری دی جا سکتی ہے۔
نارتھ ایسٹ زون کے خلاف سنٹرل زون کے بلے بازوں نے بہت اچھی کارکردگی کا مظاہرہ کیا۔ اس میچ میں پاٹیدار اور شبھم شرما نے سنچریاں بنائی تھیں، جبکہ نوجوان دانش مالیور نے ڈبل سنچری بنائی تھی۔ اگر ہم سینٹرل زون کی بولنگ کی بات کریں تو خلیل احمد، دیپک چاہر اور ہرش دوبے اس کے سب سے نمایاں گیندبازہیں۔
یہ میچ براہ راست ٹیلی کاسٹ نہیں کیا جائے گا۔
شریاس آئی پی ایل 2025 کے بعد پہلی بار مسابقتی کرکٹ میں واپس آ رہے ہیں۔ انہیں ایشیا کپ کے اسکواڈ میں منتخب نہیں کیا گیا تھا۔ آئی پی ایل میں ان کی کارکردگی کافی اچھی رہی لیکن یہ ان کے انتخاب کے لیے کافی نہیں تھی۔ اب وہ مصروف گھریلو شیڈول کے دوران رنز بنا کر سلیکٹرز کو دوبارہ متاثر کرنے کی کوشش کرنا چاہیں گے۔
رجت پاٹیدار نے اپنے 2025-26 کے گھریلو سیزن کی شاندار شروعات کی تھی۔ کوارٹر فائنل میں انہوں نے 96 گیندوں پر 125 رنز کی اننگ کھیلی تھی۔ اس کے علاوہ دوسری اننگ میں انہوں نے 72 گیندوں میں 66 رنز بنائے تھے۔ ویسٹ زون کی بہترین گیندبازی اٹیک کے سامنے پاٹیدار کی فارم سینٹرل کے لیے بہت اہم ہے۔
ٹیم نیوز
سرفراز خان کی جگہ بڑودہ کے شیوالک شرما کو ویسٹ زون کی ٹیم میں شامل کیا گیا ہے۔ انہیں مڈل آرڈر میں بلے بازی کے لیے بھیجا جا سکتا ہے۔
ویسٹ زون (ممکنہ): 1 یشسوی جیسوال، 2 ہاروک دیسائی (وکٹ کیپر)، 3 رتوراج گائیکواڈ، 4 شریاس ائیر، 5 شیوالک شرما، 6 جمیت پٹیل، 7 شاردول ٹھاکر (کپتان)، 8 شمس ملانی، 9 تنوش کوٹیان، 10 تشار دیش پانڈے، 11 دھرمیندر سنگھ جڈیجہ/ارشن ناگواس والا
سینٹرل کے کوارٹر فائنل میں آریان جوئیل 60 رنز بنانے کے بعد ریٹائرڈ ہرٹ ہو گئے تھے اور اس کے بعد وہ پورے میچ میں میدان میں واپس نہیں آئے۔ ان کی جگہ ریلوے کے وکٹ کیپر بلے باز اوپیندر یادو کو ٹیم میں شامل کیا گیا تھا۔ کلدیپ کی جگہ راجستھان کے بائیں ہاتھ کے اسپنر مانو سوتھر کو بھی ٹیم میں موقع دیا جا سکتا ہے۔
سنٹرل زون (ممکنہ): 1 آیوش پانڈے، 2 دانش مالیور، 3 شوبھم شرما، 4 رجت پاٹیدار (کپتان)، 5 اپیندر یادو/اکشے واڈکر (وکٹ کیپر)، 6 یش راٹھور، 7 دیپک چاہر، 8 ہرش دوبے، 9 مانو سوتھر،1 آدتیہ ٹھاکرے، 11 خلیل احمد۔