قزاقستان میں منعقدہ 16ویں ایشین شوٹنگ چیمپئن شپ میں جی این ڈی یو کے آٹھ نشانے بازوں نے جیتے تمغے

امرتسر، 29 اگست (یو این آئی) گرو نانک دیو یونیورسٹی کے آٹھ نشانے بازوں نے قزاقستان میں 16 سے 30 اگست تک منعقدہ 16ویں ایشین شوٹنگ چیمپئن شپ 2025 میں تمغے جیت کر ہندوستان کا سر فخر سے بلند کیا ہے۔
یونیورسٹی کے نشانے بازوں نے کسی بھی ایک یونیورسٹی کے شوٹرز کے سب سے زیادہ تمغے حاصل کرنے کی تاریخ رقم کی، جس میں پانچ انفرادی طلائی، چھ ٹیم طلائی، ایک مکسڈ ٹیم طلائی، ایک ٹیم نقرئی، ایک انفرادی نقرئی اور ایک کانسہ کا تمغہ شامل ہے، جو کہ واقعی ایک بے مثال کارنامہ ہے۔ جمعہ کو یہاں جی این ڈی یو کی طرف سے جاری ایک پریس ریلیز کے مطابق تمغہ جیتنے والوں میں نیرو، ابھینو شا، ایڈرین کرماکر اور شفٹ کور سمرا نے ٹریپ شوٹنگ، 10 میٹر کے تحت انفرادی اور ٹیم ایونٹس میں طلائی تمغے جیتے۔ رائفل، جونیئر50 میٹر 3 پی رائفل اور 50 میٹر 3 پی رائفل، ایشوریہ پرتاپ تومر نے 50 میٹر 3 پی رائفل انفرادی اور ٹیم ایونٹس میں طلائی اور نقرئی کے تمغے جیتے، ہرمہر سنگھ لالی نے مکسڈ ٹیم، انفرادی اور ٹیم مقابلے میں طلائی، نقرئی اور کانسے کے تمغے حاصل کیے جب کہ آشی چوکسے اور امیش چودھری نے 50 میٹر 3 پی رائفل ٹیم جونیئر فری پسٹل 50 میٹر مقابلے میں طلائی تمغے جیتے۔ ایڈرین کرماکر نے جونیئر 50 میٹر 3 پی رائفل انفرادی مقابلے میں ایک نیا ایشیائی ریکارڈ بنایا، جو یونیورسٹی اور ملک کے لیے ایک تاریخی سنگ میل ہے۔