اڈیشہ ، منی پور اور جھارکھنڈ نے کامیابی حاصل کی، مدھیہ پردیش اور تمل ناڈو کا مقابلہ برابر رہا

15ویں ہاکی انڈیا جونئر مرد نیشنل چیمپئن شپ کے ساتویں دن پیر کے روز ڈویژن ’اے‘ کے میچوں میں اڈیشہ، منی پور اور جھارکھنڈ نے اپنے اپنے میچ جیتے، جبکہ مدھیہ پردیش اور تمل ناڈو کے درمیان پول مرحلے کا مقابلہ ڈرا رہا۔
پنجاب، مدھیہ پردیش، اتر پردیش، جھارکھنڈ، ہریانہ، منی پور، اڈیشہ اور کرناٹک نے کوارٹر فائنل کے لئے کوالیفائی کر لیا ہے۔
دن کے پہلے مقابلے میں اڈیشہ نے آندھرا پردیش کو 10-0 سے شاندار شکست دی۔ اڈیشہ کے لئے پردیپ منڈل نے (12ویں، 44ویں منٹ)، بلکن اورم نے (24ویں، 35ویں منٹ)، دیپک پردھان نے (27ویں، 57ویں منٹ)، کرن لاکڑا نے (56ویں، 59ویں منٹ) میں دو دو گول کئے، جبکہ پرتاپ ٹوپو نے (10ویں) اور یوجن منج نے (60ویں) منٹ میں ایک ایک گول کیا۔
اگلے میچ میں منی پور نے پول سی میں دادرا اور نگر حویلی و دمن و دیو کو 5-1 سے شکست دے کر تین پوائنٹ حاصل کئے۔ منی پور کے لئے یمکھم بدیانند سنگھ نے (35ویں، 45ویں منٹ)، رکی ٹونجم نے (20ویں)، ہریش سنگھ لیتانتم نے (37ویں) اور ادھیکاری مایوم سریش شرما نے (39ویں) منٹ میں گول کئے۔ جبکہ متھیلیش سنگھ نے (36ویں) منٹ میں دادرا و نگر حویلی اور دمن و دیو کے لئے واحد گول کیا۔
دن کے تیسرے مقابلے میں جھارکھنڈ نے پول بی میں مہاراشٹر کو 5-3 سے ہرایا۔ فاتح ٹیم کے لئے اڈیسن منج نے (17ویں، 28ویں، 47ویں منٹ)، بھینگرا گلیڈسن نے (20ویں) اور کپتان روشن ایکا نے (42ویں) منٹ میں گول کئے۔ مہاراشٹر کے لئے کارتک رمیش پٹارے نے (35ویں)، گورو بابراؤ پاٹل نے (54ویں) اور شیوَم سچن دھونڈے نے (57ویں) منٹ میں گول کئے۔
ڈویژن ’اے‘ کے آخری پول میچ میں مدھیہ پردیش اور تمل ناڈو کے درمیان سنسنی خیز مقابلہ 3-3 سے ڈرا رہا۔ محمد کونین نے (چوتھے، 14ویں منٹ) اور تشار پرمار نے (نویں منٹ) میں مدھیہ پردیش کے لئے ابتدائی اہم گول کئے۔ وشال ایس نے (23ویں منٹ) اپنی ٹیم کے لئے پہلا گول کیا، جبکہ منی مارن وی نے (51ویں، 59ویں منٹ) میں تمل ناڈو کے لئے آخری لمحات میں دو گول کر کے میچ برابر کر دیا۔ مدھیہ پردیش کا مجموعی گول اوسط بہتر ہے اور اس لئے وہ ٹورنامنٹ میں آگے بڑھ رہا ہے۔
15ویں ہاکی انڈیا جونئر مرد نیشنل چیمپئن شپ کے کوارٹر فائنل بدھ کو کھیلے جائیں گے۔