شاستری نے کے ایل راہل کی تکنیکی صلاحیت کا انکشاف کیا

لندن،// ہندوستان کے سابق ہیڈ کوچ روی شاستری کو امید ہے کہ ہندوستانی اوپنر کے ایل راہل طویل فارمیٹ میں مزید سنچریاں بنائیں گے۔
انگلینڈ کے خلاف جاری آئی سی سی ورلڈ ٹیسٹ چیمپیئن شپ سیریز میں ہندوستان کے لیے بلے سے اہم شراکت کرنے والوں میں اوپنر کے ایل راہل شامل ہیں۔ تین ٹیسٹ میں 375 رنز، جس میں دو سنچریاں اور ایک نصف سنچری شامل ہے، کے ساتھ راہل سیریز میں اب تک چوتھے سب سے زیادہ رنز بنانے والے کھلاڑی ہیں۔
راہل کی حالیہ کارکردگی نے انہیں ہندوستان کے سابق ہیڈ کوچ روی شاستری سے ستائش دلائی ہے۔
آئی سی سی ریویو کے تازہ ترین ایڈیشن میں بات کرتے ہوئے، شاستری نے تجربہ کار اوپنر کی اچھی کارکردگی کی حمایت کی۔ شاستری نے کہا، ’’میرے خیال میں دنیا میں کوئی بھی ایسا نہیں تھا جس نے ان کی صلاحیت سے انکار کیا ہو اور کہا ہو کہ وہ (راہل) باصلاحیت نہیں ہیں۔
انہوں نے کہا، "لوگوں کو اس بات سے چڑھ تھی کہ اتنے ٹیلنٹ کے باوجود وہ اچھی کارکردگی کا مظاہرہ نہیں کر پارہے تھے اور اس سیریز میں آپ راہل کی بہترین کارکردگی دیکھ رہے ہیں۔”
شاستری نے مزید بتایا کہ راہل نے یہ فارم حاصل کرنے کے لیے تکنیکی تبدیلی کی ہے۔ انہوں نے کہا، ’’میں دیکھ رہا ہوں کہ انہوں نے اپنے اگلے پیرپر، اپنی پوزیشن اور ڈفینس کرتے وقت تھوڑی تبدیلی کی ہے۔
شاستری نے کہا، "یہ تھوڑا کھل گیا ہے، جس سے ان کی پیٹھ آسانی سے باہر آجاتی ہے۔ یہاں تک کہ جب وہ مڈ وکٹ کی طرف مار رہے ہوتے ہیں، تن بھی بلیڈ کا پورا منھ سامنے ہوتا ہے۔
شاستری نے کہا، "انہیں بلیڈ کا سامنا والا حصہ بند کرنے اور گرکر مصیبت میں پڑنے کی ضرورت نہیں ہے، جیسا کہ وہ پہلے کرتے تھے۔ وہ ایل بی ڈبلیو ہو جاتے تھے، بولڈ ہو جاتے تھے، وہ بہت دور نکل جاتے تھے اورپھر ایل بی ڈبلیوبھی ہوجاتے تھے۔
سابق ہیڈ وکچ نے کہا، ’’وہ تکنیکی طور پر مضبوط ہیں اور کسی بھی کھلاڑی کی طرح ہی اچھا پرفارم کر رہے ہیں۔ خاص طور پر، سیریز میں ان کی رفتار زیادہ نہیں بڑھی ہے، لیکن جب بھی بڑھی ہے، تو اس رفتار کو سنبھالنے کے لئے ان کے پاس کھیل ہے۔
کے ایل راہل کی حالیہ کارکردگی نے انہیں انگلینڈ میں ٹیسٹ میچوں میں ہندوستان کے لیے مشترکہ طور پر سب سے زیادہ سنچریاں (چار) لگانے کا موقع دیا، جو راہل دراوڈ (چھ) کے بعد ہے۔
شاستری کا خیال ہے کہ 33 سال کی عمر میں، یہ تجربہ کار کھلاڑی سرخ گیند کی کرکٹ میں اپنے شباب پر ہے، جو بلے سے لمبے وقت تک دبدبے کی شروعات ہوسکتی ہے۔ شاستری نے کہا، "وہ اپنے عروج پر ہیں۔ انہیں اگلے تین چار برسوں کا زیادہ سے زیادہ فائدہ اٹھانا ہوگا۔”
انہوں نے مزید کہا، "اور مجھے لگتا ہے کہ وہ بہت زیادہ سنچریاں اسکور کریں گے، کیونکہ وہ ہندوستان میں بھی کافی کرکٹ کھیل رہے ہیں۔ اس لیے ان کی اوسط جو بھی ہو، انہیں 50 کے قریب ہونا چاہیے۔
راہل کے نام اس وقت 35.3 کی اوسط سے 3632 رنز ہیں، جس میں 10 سنچریاں اور 18 نصف سنچریاں شامل ہیں۔
انگلینڈ اور ہندوستان کے درمیان چوتھا ٹیسٹ میچ 23 جولائی سے اولڈ ٹریفورڈ مانچسٹر میں شروع ہوگا۔