ہندوستان کی انڈر 20 خواتین کی ٹیم نے دوستانہ میچ میں ازبکستان کو 4-1 سے شکست دی

تاشقند// ہندوستان کی انڈر 20 خواتین کی قومی ٹیم نے اپنے دوسرے دوستانہ میچ میں ازبکستان کو 4-1 سے شکست دی۔
ڈوسٹلک اسٹیڈیم میں کھیلے گئے میچ میں ہاف ٹائم تک دونوں ٹیمیں 1-1 گول سے برابر تھیں۔ ہندوستان کے لیے سبانی دیوی نونگمیکاپم نے (28ویں، 85ویں) منٹ میں دو گول کیے اور سلنجنا راول (65ویں) اور نیہا (71ویں) نے ایک ایک گول کیا۔ بدھ کو ازبکستان کی جانب سے واحد گول شخنوزا ڈیکان بائیفا (37ویں) نے کیا۔
ازبکستان نے پہلے دوستانہ میچ کی ٹیم میں چار تبدیلیاں کی ہیں۔ جبکہ ہندوستانی انڈر 20 ٹیم کے کوچ یوآخم الیگزینڈرسن نے دو تبدیلیاں کی ہیں۔ دفاع میں، جوہی سنگھ نے نشیما کماری کی جگہ لی اور ارینا دیوی نمیراکم نے مڈفیلڈ میں لنگڈیکم کی جگہ لی۔
سبانی نے 28ویں منٹ میں نیہا کے کراس کو اپنے پاؤں سے گول میں بدل کر اپنی ٹیم کو برتری دلائی۔ ہندوستانی ٹیم کا یہ جشن صرف نو منٹ تک جاری رہا۔ میزبان ٹیم کی جانب سے ہاف ٹائم سے قبل ازبکستان کی ڈیکان بائیفا نے گول کرکے اسکور 1-1 سے برابر کردیا۔
71ویں منٹ میں سلنجانا نے ازبکستان کی گول کیپر ایزوجا ساوینووا کو زیر کر کے گول کر دیا۔ اس کے بعد سبانی نے گول کر کے ہندوستان کی جیت کو یقینی بنا دیا۔