آسٹریلیا کی پہلی اننگز کم اسکور پر سمیٹی جا سکتی تھی: ربادا

لندن//جنوبی افریقہ کے اسٹار گیند باز کاگیسو ربادا کا ماننا ہے کہ آئی سی سی ورلڈ ٹیسٹ چیمپئن شپ کے فائنل میں آسٹریلیا کی پہلی اننگز کم اسکور پر سمیٹی جا سکتی تھی۔
لارڈز میں جنوبی افریقی کپتان ٹیمبا باوما کے ٹاس جیت کر گیندبازی کرنے کا فیصلہ کرنے کے بعد نئی گیند سے ذمہ داری کاگیسو ربادا پر آ گئی اور تجربہ کار کو الٹیمیٹ ٹیسٹ میں اپنی چھاپ بنانے میں بہت کم وقت لگا۔ ربادا نے آسٹریلیا کے اوپنرز عثمان خواجہ اور کیمرون گرین کو آؤٹ کرتے ہوئے ٹیسٹ میں اپنی 17واں پانچ وکٹ ہال حاصل کیا۔ ان کے اسپیل نے جنوبی افریقہ کو دفاعی چیمپئن کو 212 پر سمیٹنے میں مدد کی لیکن ربادا کا خیال ہے کہ پروٹیز آسٹریلیا کی بیٹنگ کو پہلے بھی تباہ کر سکتے تھے۔
لارڈز میں دن کا کھیل ختم ہونے کے بعد صحافیوں سے بات چیت کرتے ہوئے فاسٹ بولر نے کہا کہ ہم 212 رن کے چیلنج کو قبول کریں گے، ہمیں لگا کہ ہمیں انہیں 160 پر روک دینا چاہیے تھا، لیکن کھیل اسی طرح چلتا ہے۔
آسٹریلیا کے 146 رن پر پانچ وکٹیں گرنے کے بعد بیو ویبسٹر نے 72 رن کی شاندار اننگز کھیل کر پہلی اننگز کی ذمہ داری سنبھالی۔ ربادا نے آل راؤنڈر کی تعریف کی، جس نے جنوبی افریقہ کی تیز گیند بازی کو محسوس کرنے کے بعد اننگز کے آغاز میں اپنی حکمت عملی تبدیل کی۔ انہوں نے کہا کہ ایسا لگتا تھا کہ وہ کسی بھی گیند پر آؤٹ ہو جائیں گے لیکن مجھے لگتا ہے کہ ان کا مثبت ارادہ انہیں فتح کی طرف لے گیا۔
ربادا نے بالآخر ویبسٹر کو آؤٹ کر دیا اور ایلن ڈونلڈ کو پیچھے چھوڑ کر پروٹیز کے لیے ٹیسٹ میں سب سے زیادہ وکٹیں لینے والے چوتھے کھلاڑی بن گئے۔ اس کامیابی پر بات کرتے ہوئے ربادا نے کہا کہ باؤلرز کی اس فہرست میں شامل ہونا خاص ہے۔ ایک کھلاڑی کے طور پر بڑا ہو کر اور جنوبی افریقہ کی نمائندگی کرتے ہوئے میں ان لوگوں سے متاثر ہوا ہوں جو پہلے آئے ہیں اور انہوں نے بڑے اسٹیج پر جو کچھ کیا ہے، ان ناموں میں شامل ہونا خاص ہے اور یہ طویل عرصے تک جاری رہ سکتا ہے۔ ربادا جنوبی افریقہ کے لیے بہترین گیند باز رہے، وہیں لارڈز میں پہلے دن کے اختتام پر آسٹریلیا کے تیز گیند بازوں نے بھی اچھی شروعات کی۔ مچل اسٹارک، جوش ہیزل ووڈ اور کپتان پیٹ کمنز نے شاندار گیندبازی کی اور جنوبی افریقہ نے دن کا اختتام 43/4 پر کیا۔
ربادا نے کہا، "میرے خیال میں گیند کافی تیزی سے آگے بڑھ رہی ہے لیکن مجھے پھر بھی لگتا ہے کہ بلے بازوں کو موقع مل سکتا ہے۔ اگر آپ لمبے وقت تک صحیح جگہ پر زیادہ گیند ڈالتے ہیں تو اس سے مواقع پیدا ہوں گے۔ ابھی، ہم 43/4 پر ہیں، وہ آغاز نہیں جس کی ہم امید کر رہے تھے وہ نہیں لیکن اس ٹیسٹ میچ میں بہت زیادہ کرکٹ کھیلی جانی ہے۔ اس لیے ہم اس کے لئے کوشش کرتے رہیں گے ۔”