ہندوستانی جونیئر خواتین ہاکی ٹیم نے ارجنٹینا کو شوٹ آؤٹ میں 2-0 سے شکست دی

روزاریو (ارجنٹینا//ہندوستانی جونیئر خواتین ہاکی ٹیم نے چار ممالک کے ٹورنامنٹ کے اپنے تیسرے میچ میں مقررہ وقت میں اسکور 1-1 سے برابر رہنے کے بعد پنالٹی شوٹ آؤٹ میں میزبان ارجنٹینا کو2-0 سے شکست دی۔
آج یہاں کھیلے گئے میچ میں ہندوستان کے لیےکنیکا نے 44ویں منٹ میں واحد گول کیا، جبکہ لالرینپوئی اور لالتھانتالونگی نے شوٹ آؤٹ میں گول کرکے ٹیم کی جیت کو یقینی بنایا۔
ارجنٹینا کی میلاگروس ڈیل ویلے نے (10ویں) منٹ پہلے کوارٹرمیں گول کرکے اپنی ٹیم کو برتری دلائی۔ اس کے بعد ہندوستان نے 44ویں منٹ میں کنیکا کے ذریعے تیسرے کوارٹر میں گول کرکے اسکور کو 1-1 سے برابر کردیا۔ مقررہ وقت میں اسکور برابر رہنے کی وجہ سے میچ کے نتیجے میں پنالٹی شوٹ آؤٹ کا سہارا لیا گیا۔
شوٹ آؤٹ میں گول کیپر اور کپتان ندھی نے فرق پیداکیا اور لگاتار چار گول بچا کر میزبان ٹیم کو باہر کردیا۔ لالرین پوئی اور لالتھنتلونگی نے ایک ایک گول کرکے ہندوستان کو جیت دلائی۔
جمعہ کو ہندوستان چلی کے خلاف میدان م یں اترے گا۔