پلوامہ میں دو اور سوپور میں دو جنگجو ہلاک:پولیس

سرینگر/۲۱جون
وادی کشمیر کے جنموبی ضلع پلوامہ کے تجن علاقے اور شمالی قصبہ سوپور کے تلہ بل علاقے میں دو الگ الگ تصادم آرائیوں کے دوران چار جنگجو مارے گئے جبکہ دونوں مقامات پر تلاشی آپریشن ہنوز جاری ہے ۔
کشمیر زون پولیس نے پلوامہ انکاؤنٹر کے بارے میں اپنے سلسلہ وار ٹویٹس میں جانکاری فراہم کرتے ہوئے کہا کہ پلوامہ انکاؤنٹر میں دو جنگجو مارے گئے ۔
پولیس نے انسپکٹر جنرل وجے کمار کے حوالے سے ایک ٹویٹ میں کہا کہ پلوامہ انکاؤنٹر کے دوران پولیس افسر فاروق میر کی ہلاکت میں ملوث جیش محمد سے وابستہ ماجد نذیر کو بھی ہلاک کر دیا گیا۔
سوپور انکاؤنٹر کے حوالے سے جانکاری فراہم کرتے ہوئے ایک ٹویٹ میں کہا گیا کہ سوپور میں ایک اور جنگجو کو مارا گیا اس طرح مہلوکین کی تعداد دو ہوگئی۔
ٹویٹ میں مزید کہا گیا کہ علاقے میں تلاشی آپریشن ہنوز جاری ہے ۔