آئی سی سی ویمنز کرکٹ ورلڈ کپ کوالیفائر ،پاکستانی ٹیم نورنامنٹ میں ناقابل شکست رہی

لاہور //آئی سی سی ویمنز کرکٹ ورلڈ کپ کوالیفائر میں پاکستان ویمنز کرکٹ ٹیم کی شاندار کارکردگی، آخری اور پانچوایں میچ میں بنگلہ دیش کو بھی 7وکٹوں سے شکست دے دی۔ پاکستان ویمنز کرکٹ ٹیم ٹورنامنٹ میں ناقابل شکست رہی۔پاکستان نے 178رنز کا ہدف 40ویں اوور میں حاصل کر لیا۔ منیبہ علی، عالیہ ریاض اور سدرہ امین کی زبردست بلے بازی کا مظاہر ہ کیا گیا ۔
منیبہ علی کی ففٹی،93بالز پر 69رنز بنا کر آئوٹ ہوئیں۔عالیہ ریاض کی بھی ففٹی،65بالز پر 52رنز سکور کیے اور ناٹ آئوٹ رہیں۔نتالیہ پرویز نے 26بالز پر 13رنز بنائے اور ناٹ آئوٹ رہیں۔ سدرہ امین 52بالز پر 37رنز بنا کر آئوٹ ہوئیں۔شوال ذوالفقار 2رنز بنا سکیں۔ بنگلہ دیش ویمنز ٹیم نے 50اوورز میں 9وکٹوں کے نقصان پر 178 رنز بنائے ۔
سعدیہ اقبال نے 10اوورز میں 28رنز دے کر 3کھلاڑیوں کو آئوٹ کیا۔
کپتان فاطمہ ثنا نے 10اوورز میں 45رنز دے کر 2کھلاڑیوں کو پویلین واپس بھجوایا ۔ ڈیانا بیگ نے 10اوورز میں 45رنز دے کر 2کھلاڑیوں کو آئوٹ کیا۔ رامین شمیم نے 10اوورز میں 25رنز دے کر ایک وکٹ حاصل کی جبکہ نشرہ سندھو نے 10اوورز میں 34رنز دے کر ایک کھلاڑی کو آئوٹ کیا ۔ بنگلہ دیشی بیٹر ریتو مونی 48رنز بنا کر آئوٹ ہوئیں ۔ فہیمہ خاتون نی53بالز پر 44رنز بنائے اور ناٹ آئوٹ رہیں۔ شرمین اختر 24رنز بنا کر آئوٹ ہوئیں۔