جموں کا پریس کلب چل رہا ہے‘سرینگر میں چلانے کے اقدامات اٹھائیں گے

جموں//
وزیر اعلیٰ ‘عمرعبداللہ نے جموں اور سرینگر میں پریس کلبوں کو بحال کرنے کے عزم کا اظہار کیا ہے۔
جموں اسمبلی میں آج اگلے مالی سال کا میزانیہ پیش کرتے ہوئے وزیر اعلیٰ نے کہا کہ ایک آزاد اور ذمہ دار پریس ایک متحرک جمہوریت کی بنیاد۔ ہماری حکومت آزادی صحافت کو برقرار رکھنے اور صحافیوں کو محفوظ اور شفاف طریقے سے کام کرنے کو یقینی بنانے کے اپنے عزم پر غیر متزلزل ہے۔
عمرعبداللہ نے کہا کہ میڈیا رائے عامہ کی تشکیل، جمہوری اداروں کو مضبوط بنانا اور شہریوں کو باخبر رکھنے میں ایک اہم کردار ادا کرتا ہے
ان کاکہنا تھا’’ اس جذبے کے تحت ہم پریس کے بنیادی ڈھانچے کو مضبوط بنانے، معلومات تک زیادہ سے زیادہ رسائی کی سہولت اور صحافیوں کے حقوق کے تحفظ کے لیے پرعزم ہیں‘‘۔
وزیر اعلیٰ نے کہا ’’ہم جموں اور سری نگر میں پریس کلب کی بحالی اور حمایت کے لئے ٹھوس قدم اٹھائیں گے ، صحافیوں کو عوام کے ساتھ منسلک ہونے ، تعاون کرنے اور بامعنی کردار ادا کرنے کیلئے وقف جگہ فراہم کریں گے۔‘‘
بعد ازاں ایک پریس کانفرنس میں وزیر اعلیٰ نے کہا’’ ہم چاہتے ہیں کہ ایک متحرک پریس ہو۔جموں کا پریس کلب چل رہا ہے شایدلیکن سرینگر میں چل نہیں رہا ہے ۔سرینگر کا پریس کلب چلے اس کیلئے اقدامات اٹھائے جائیں گے ‘‘۔
صحافیوں کے پنشن سے متعلق ایک سوال کے جواب میں وزیر اعلیٰ کاکہنا تھا ’’جہاں تک صحافیوں کے پنشن کا تعلق ہے تومیں ایماندرای سے کہتا ہوں کہ ہم نے اس بارے میں سوچا نہیں ۔اگر آپ کے پاس ایسا آئیڈیا جو آپ شیئر کر سکتے ہوتو اس میںآپ دیکھ لیجئے آپ کتنا بوجھ اٹھانے کیلئے تیار ہو اور ہم پر کتنا بوجھ ڈالیں گے۔‘‘