تمیم اقبال کا انٹرنیشنل کرکٹ سے ریٹائرمنٹ کا اعلان

ڈھاکہ// سلامی بلے باز تمیم اقبال نے بین الاقوامی کرکٹ سے ریٹائرمنٹ کا اعلان کر دیا ہے۔
اقبال نے اپنے کیریئر میں بنگلہ دیش کے لیے تمام فارمیٹس میں 387 میچز کھیلے ہیں اور 15192 رنز بنائے ہیں جو کہ مشفق الرحیم کے بعد دوسرا سب سے بڑا اسکور ہے۔
فیس بک پر ریٹائرمنٹ کا اعلان کرتے ہوئے تمیم نے کہا کہ میں کافی عرصے سے انٹرنیشنل کرکٹ سے دور ہوں۔ یہ فاصلہ باقی رہے گا۔ انٹرنیشنل کرکٹ میں میرا باب ختم ہو گیا ہے۔ میں کافی عرصے سے اس بارے میں سوچ رہا تھا۔ اب جبکہ چیمپئنز ٹرافی جیسا بڑا ایونٹ آنے والا ہے، میں کسی کی توجہ کا مرکز نہیں بننا چاہتا، جس سے ٹیم کی توجہ بھٹک سکتی ہے۔ بلاشبہ، میں پہلے بھی ایسا نہیں چاہتا تھا۔
انہوں نے کہا، ’’کپتان نظم الحسین شانتو نے مجھے مخلصانہ طور پر ٹیم میں واپسی کے لیے کہا۔ سلیکشن کمیٹی سے بھی بات چیت ہوئی۔ مجھے اب بھی ٹیم میں راضی کرنے کے لئے میں ان کا شکر گزار ہوں۔ تاہم، میں نے اپنے دل کی بات سنی ہے۔”
قبل ازیں جولائی 2023 میں اقبال نے ریٹائرمنٹ کا اعلان کیا تھا لیکن بعد میں انہوں نے اپنا فیصلہ واپس لے لیا۔ 35 سالہ کھلاڑی نے 70 ٹیسٹ میں 5134 رنز، 243 ون ڈے میں 8357 رنز اور 78 ٹی ٹوئنٹی میں 1758 رنز بنائے ہیں۔ ان کی آخری بین الاقوامی اننگ ستمبر 2023 میں نیوزی لینڈ کے خلاف تھی۔
بنگلا دیش کے مشہور کرکٹر اور سابق کپتان تمیم اقبال نے ایک بار پھر انٹرنیشنل کرکٹ سے ریٹائرمنٹ کا اعلان کر دیا ہے۔
تمیم نے یہ اعلان جمعہ کے روز سوشل میڈیا پر ایک تفصیلی بیان کے ذریعے کیا، جس میں انہوں نے اپنی کرکٹ کے شاندار کیریئر کو خیرباد کہنے کے فیصلے کی وجوہات بیان کیں۔
اس سے قبل جولائی 2023 میں انہوں نے انٹرنیشنل کرکٹ چھوڑنے کا اعلان کیا تھا، تاہم 24 گھنٹے بعد انہوں نے یہ فیصلہ واپس لے لیا تھا۔ اس بار، انہوں نے واضح طور پر کہا کہ وہ کافی عرصے سے انٹرنیشنل کرکٹ سے دور تھے اور اس فیصلے پر سوچ بچار کے بعد عمل کیا ہے۔
تمیم اقبال نے کہا کہ وہ نہیں چاہتے کہ ان کا نام چیمپئنز ٹرافی جیسے بڑے ایونٹ کے دوران ڈسکشن کا حصہ بنے۔ انہوں نے مزید کہا کہ وہ پہلے ہی بنگلا دیش کرکٹ بورڈ (بی سی بی) کے سینٹرل کنٹریکٹ سے خود کو الگ کر چکے ہیں، کیونکہ ریٹائرمنٹ یا کھیلنے کا فیصلہ کسی بھی کھلاڑی کا ذاتی ہوتا ہے۔
تمیم نے اپنے بیان میں کپتان نظم الحسین شنتو اور سلیکشن کمیٹی کا ذکر کرتے ہوئے ان کا شکریہ ادا کیا، جنہوں نے ان کی واپسی کے امکانات کے حوالے سے نیک نیتی سے بات کی۔ انہوں نے کہا کہ وہ ان تمام افراد کے شکر گزار ہیں جنہوں نے ان کی اہمیت کو سمجھا اور ان کے فیصلے کا احترام کیا۔
تمیم اقبال نے 2007 میں ون ڈے اور ٹی ٹوئنٹی انٹرنیشنل ڈیبیو کیا جبکہ 2008 میں ٹیسٹ کرکٹ میں قدم رکھا۔ اپنے کیریئر میں انہوں نے شاندار کارکردگی کا مظاہرہ کیا، انہوں نے 70 ٹیسٹ میچز میں 5,134 رنز، 243 ون ڈے انٹرنیشنل میں 8,357 رنز اور 78 ٹی ٹوئنٹی میچز میں 1,758 رنز بنائے۔
تمیم اقبال نے اپنے بیان میں کہا کہ انہوں نے بنگلا دیش کرکٹ بورڈ کو اپنے ریٹائرمنٹ کے فیصلے سے آگاہ کر دیا ہے، ان کا یہ فیصلہ نہ صرف بنگلا دیشی کرکٹ کے لیے ایک بڑا لمحہ ہے بلکہ ان کے مداحوں کے لیے بھی ایک جذباتی خبر ہے۔