شام پر شدت پسندوں کا قبضہ۔۔ چین کا اظہار تشویش

بیجنگ///
چین نے شام کے مختلف علاقوں پر شدت پسندوں کے قبضے پر تشویش کا اظہار کیا ہے۔
چینی وزارتِ خارجہ کے ترجمان لِن جیان کا کہنا ہے کہ شمال مغربی شام کی صورتِ حال پر گہری تشویش ہے۔
ان کا کہنا ہے کہ شام کی قومی سلامتی اور استحکام کو برقرار رکھنے کوششوں کی حمایت کرتے ہیں۔
انہوں نے یہ بھی کہا ہے کہ صورتِ حال کو مزید خراب ہونے سے بچانے کے لیے شام کی مدد کرنا چاہتے ہیں۔
یاد رہے کہ گزشتہ روز روس نے بھی شام کی حمایت جاری رکھنے کا اعادہ کیا تھا۔
شام کے معاملے پر کریملن نے اپنے بیان میں کہا تھا کہ شام کی صورتِ حال کا جائزہ لے رہے ہیں، شام کے صدر بشار الاسد کی حمایت جاری رکھیں گے۔
کریملن کے ترجمان دمتری پیسکوف کا کہنا تھا کہ روس پیش رفت پر گہری نظر رکھے ہوئے ہے اور صورتحال کو مستحکم کرنے کے لیے جو ضروری ہے اس کی بنیاد پر اپنے موقف کا تعین کرے گا۔