امریکی میڈیا کا شام پر اسرائیلی بمباری میں سینئر حزب اللہ کمانڈر کی شہادت کا دعویٰ

واشنگٹن//
امریکی میڈیا نے شام پر اسرائیل کی بمباری میں سینئر حزب اللہ کمانڈر کی شہادت کا دعویٰ کیا ہے۔
امریکی میڈیا کا کہنا ہے کہ سینئر حزب اللہ کمانڈر علی موسیٰ دقدوق کو حالیہ فضائی حملے میں نشانہ بنایا گیا۔
امریکی میڈیا کے مطابق علی موسیٰ دقدوق 2007 میں عراق میں امریکی فوج پر حملےمیں ملوث تھے، کربلا میں امریکی بیس پر حملے میں 5 امریکی فوجی ہلاک ہو گئے تھے۔
میڈیا رپورٹس میں بتایا گیا ہے کہ حملے کے بعد امریکی فورسز نے علی موسیٰ دقدوق کو حراست میں لیا تھا لیکن عراق سے امریکی فوج کے انخلا کے بعد عراقی حکومت نے دقدوق کو رہا کر دیا تھا۔
امریکی میڈیا نے شام پر اسرائیلی حملے میں حزب اللہ کمانڈر موسیٰ دقدوق کی شہادت کا دعویٰ کیا ہے تاہم حزب اللہ نے سینئر کمانڈر کی شہادت کی تصدیق نہیں کی۔