ٹرمپ کی جانب سے اٹارنی جنرل کیلئے نامزد میٹ گیٹز اپنی نامزدگی سے دستبردار

فلوریڈا //
فلوریڈا کے سابق رکنِ پارلیمنٹ اور ڈونلڈ ٹرمپ کی جانب سے اٹارنی جنرل کے عہدے کیلئے نامزد میٹ گیٹز اپنی نامزدگی سے دستبردار ہو گئے۔
نو منتخب امریکی صدر ڈونلڈ ٹرمپ نے میٹ گیٹز کو اٹارنی جنرل کے عہدے کیلئے نامزد کیا تھا، گیٹز نے سوشل میڈیا پر لکھا کہ اُن کی نامزدگی "غیر منصفانہ طور پر توجہ ہٹانے والا موضوع بن رہی تھی۔”امریکی میڈیا کی رپورٹس کے مطابق گیٹز کی دستبرداری رواں ہفتے ری پبلکن سینیٹرز کے ساتھ ملاقاتوں کے بعد ہوئی۔
میڈیا کے مطابق ٹرمپ کی ٹیم یہ اندازہ لگانے کی کوشش کر رہی تھی کہ آیا میٹ گیٹز کو توثیق کیلئے درکار ری پبلکن ارکان کی حمایت حاصل ہو سکے گی یا نہیں۔
خیال رہے کہ گیٹز پر جنسی بدسلوکی اور دیگر مبینہ جرائم کا الزام ہے، وہ اِن الزامات کو مسترد کر چکے ہیں۔