اگلے تین دنوں کے دوران ہلکے برف و باراں کا امکان

سرینگر//
محکمہ موسمیات نے وادی کشمیر میں اگلے تین دنوں کے دوران برف وباراں کے ایک اور مرحلے کی پیش گوئی کی ہے ۔
محکمے نے اپنی ایڈوائزری میں کہا ہے زو جیلا، راز دان پاس، سادھنا پاس، سنتھن ٹاپ اور مغل روڈ پر ۱۵ نومبر کو ممکنہ ہلکی برف باری سے ٹریفک کی نقل و حمل عارضی طور پر متاثر ہو سکتی ہے ۔
سیاحوں اور مسافروں سے کہا گیا ہے کہ وہ ۱۴نومبر کی شام سے۱۵نومبر تک موسمی صورتحال کے مطابق اپنے سفر کی منصوبہ بندی کریں۔
متعلقہ محکمے کے ایک ترجمان نے کہا کہ وادی میں۱۳نومبر کو موسم مجموعی طور پر خشک رہنے کا امکان ہے ۔انہوں نے کہا کہ وادی میں۱۴؍اور۱۵نومبر کو ہلکی بارشیں جبکہ کئی پہاڑی علاقوں میں ہلکی برف باری متوقع ہے ۔
ان کا کہنا تھا کہ۱۶نومبر کو بھی ہلکی بارشیں جبکہ کچھ پہاڑی علاقوں میں ہلکی برف باری ہوسکتی ہے ۔
ترجمان نے کہا کہ بعد ازاں۱۷نومبر سے۲۳ نومبر تک موسم مجموعی طور پر خشک رہنے کا امکان ہے ۔
محکمے نے اپنی ایڈوائزری میں کہا ہے زو جیلا، راز دان پاس، سادھنا پاس، سنتھن ٹاپ اور مغل روڈ پر۱۵ نومبر کو ممکنہ ہلکی برف باری سے ٹریفک کی نقل و حمل عارضی طور پر متاثر ہو سکتی ہے ۔
سیاحوں اور مسافروں سے کہا گیا ہے کہ وہ۱۴ نومبر کی شام سے۱۵نومبر تک موسمی صورتحال کے مطابق اپنے سفر کی منصوبہ بندی کریں۔