’سرینگر ہوائی اڈے پر معمول کا رش پنڈتوں کا اخراج کا دعویٰ صحیح نہیں ‘

سری نگر//
سرینگر ہوائی اڈے کے حکام نے جمعرات کو کانگریس لیڈر راہل گاندھی کے وادی سے کشمیری پنڈتوں کے اخراج کے دعوے کی تردید کی۔
اتھارٹی کی وضاحت اس وقت سامنے آئی جب راہول گاندھی نے ایک ٹویٹ میں یہ دعویٰ کیا کہ جموں و کشمیر میں بہت سے بے گناہ لوگ مارے جا رہے ہیں اور وادی میں کشمیری پنڈتوں کا تازہ اخراج شروع ہو گیا ہے۔
ہوائی اڈے کے حکام نے بھی ایسی افواہوں کو نہ پھیلانے کی تاکید کی۔
سرینگر ایئرپورٹ نے ایک ٹویٹ میں کہا’’ہم اس سنسنی خیز افواہ پھیلانے کی سختی سے تردید کرتے ہیں۔ ہم روزانہ ۱۶ ہزار سے۱۸ ہزار کے درمیان مسافروں کو ہینڈل کرتے ہیں۔ آج مسافروں کی تعداد بھی اوسط ہے۔ اس ٹویٹ سے افواہ کے طور پر اقلیتی برادری کا کوئی بھاری رش نہیں ہے۔ براہ کرم اس طرح کی افواہیں نہ پھیلائیں‘‘۔
کانگریس لیڈر نے وزیر اعظم نریندر مودی پر بھی زور دیا کہ وہ مرکز کے زیر انتظام علاقے میں امن کی بحالی کے لیے فوری اقدامات کریں۔
بھارتیہ جنتا پارٹی (بی جے) پر مزید حملہ کرتے ہوئے، کانگریس ایم پی نے کہا کہ جن کو کشمیری پنڈتوں کی حفاظت کرنی چاہیے وہ ایک فلم کی تشہیر میں مصروف ہیں۔