۶۵ سال سے زائد عمر کے افراد حج نہیں کر سکتے

سرینگر//
سعودی عرب نے ۶۵ سال سے زائد عمر کے افراد کے حج کرنے پرپابندی عائد کردی۔
سعودی عرب کی سول ایوی ایشن اتھارٹی کی جانب سے بھارت سمیت دنیا بھر کے حج۲۰۲۲ کے عازمین کے لئے نئی سفری ہدایات جاری کردی گئیں۔
ہدایت نامے کے مطابق ۶۵ سال یا اس سے زائد عمر کے افراد کوحج کے لئے آنے کی اجازت نہیں ہوگی۔
عازمین حج کے لئے سعودی وزارت صحت کی منظو کردہ کورونا ویکیسین لگوانا اورسعودی عرب آمد سے ۴۸ گھنٹے قبل منفی کورونا ٹیسٹ رپورٹ دکھانا لازمی ہوگا۔ہدایات پر عمل نہ کرنے والے مسافروں کو سعودی عرب میں داخل نہیں ہونے دیا جائے گا۔
سعودی ایوی ایشن کے مطابق تمام ائیرلائنز کو ہدایت نامے پرسختی سے عمل درآمد کرانے کا کہا گیا ہے اورخلاف ورزی کی صورت میں ائیرلائنز پرجرمانے بھی کئے جائیں گے۔