صدر جمہوریہ نے کرناٹک کے ہاویری ضلع میں ہوئے حادثے پر رنج و غم کا اظہار کیا

نئی دہلی// صدر جمہوریہ دروپدی مرمو نے جمعہ کو کرناٹک کے ہاویری ضلع میں ایک حادثے میں خواتین اور بچوں سمیت 13 افراد کی موت پر گہرے رنج و غم کا اظہار کیا۔
سوشل میڈیا پلیٹ فارم ‘X’ پر لکھے گئے ایک پیغام میں صدر نے کہا ”کرناٹک کے ہاویری ضلع میں بس حادثے میں خواتین اور بچوں سمیت 13 عقیدت مندوں کی موت ایک انتہائی افسوسناک واقعہ ہے ۔ میں اس حادثے میں ہلاک ہونے والوں کے لواحقین کے تئیں اپنی گہری تعزیت کا اظہار کرتی ہوں اور زخمیوں کی جلد صحت یابی کی آرزو کرتی ہوں۔
پولیس نے بتایا کہ یہ حادثہ اس وقت پیش آیا جب جمعہ کی صبح بیاڈگی تعلقہ کے گنڈیناہلی کراس پر ایک وین کھڑے ٹرک سے ٹکرا گئی۔
صدر جمہوریہ کا یہ تعزیتی پیغام سوگوار خاندانوں کے لیے تسلی اور قوم کے اجتماعی غم کی عکاسی کرتا ہے ۔
پولیس حادثے کی وجہ کی تحقیقات کر رہی ہے ۔