شامی عازمین حج کی پروازیں 13 سال کے وقفے کے بعد دوبارہ شروع

دمشق//
تقریبا 13 سال کے وقفے کے بعد حج فلائٹ سروس دوبارہ شروع کرتے ہوئے شامی عازمین حج کو سفر حج پرسعودی شہر جدہ لے جانے والی پہلی پرواز منگل کے روز دمشق سے روانہ ہوئی۔
سرکاری خبر رساں ایجنسی سانا نے ڈائریکٹر جنرل آف سول ایوی ایشن، باسم منصور کے حوالے سے بتایا کہ 2023 میں شام اور سعودی عرب کے درمیان سفارتی تعلقات کی بحالی کے بعد، 270 عازمین حج کو لے جانے والی پرواز، شام کی طرف سے حج سیزن-2024 کے آغاز کی بھی علامت ہے۔باسم منصور نے مزید کہا کہ حکام نے حاجیوں کے لیے دمشق کے بین الاقوامی ہوائی اڈے میں داخل ہونے سے لے کر بورڈنگ اور ٹیک آف تک ہموار اور محتاط سفر کے تجربے کو یقینی بنایا۔
قابل ذکر ہے کہ اس ہفتے کے اوائل میں سعودی حکومت نے 2012 کے بعد شام میں اپنا پہلا سفیر مقرر کیا تھا۔دونوں ممالک کے درمیان منقطع تعلقات کی مدت کے دوران، حج کرنے کے خواہاں شامی عازمین کو پڑوسی ممالک سے ویزا حاصل کرنے کی ضرورت پڑتی تھی۔