وزیر اعظم مودی۱۲؍اپریل کو ادھم پور میں انتخابی ریلی سے خطاب کریں گے : رینا

جموں//
بھارتیہ جنتاپارٹی(بی جے پی) کے جموں وکشمیر یونٹ کے صدر رویندر رینا نے پیر کے روز کہاکہ وزیر اعظم مودی ۱۲؍اپریل کو جموں وارد ہونگے ۔
رینا نے کہاکہ مودی جی ادھم پور میں چناوی ریلی سے خطاب کریں گے ۔
جموں میں نامہ نگاروں سے بات چیت کے دوران رینا نے کہاکہ وزیر اعظم مودی جموں پہنچ رہے ہیں۔انہوں نے کہاکہ ۱۲؍اپریل کو وزیر اعظم مودی ادھم پور میں ایک بڑے عوامی جلسے سے تقریر کریں گے ۔
ان کے مطابق اس ریلی میں زائد از دو لاکھ لوگوں کی شرکت متوقع ہے ۔
بی جے پی یونٹ صدرنے مزید کہاکہ وزیر اعظم مودی کو دیکھنے کی خاطر لوگوں میں کافی جوش اور ولولہ دیکھاجارہا ہے ۔انہوں نے ریلی میں تمام خطوں کے لوگوں کی ریکارڈ توڑ شرکت کا دعویٰ کیا ہے ۔
رینا نے کہاکہ وزیر اعظم مودی نے جموں وکشمیر کو امن کا گہوارا بنایا ، دفعہ۳۷۰کی منسوخی کے باعث یونین ٹریٹری میں امن، ترقی اور خوشحالی کا دور شروع ہوا ہے ۔
بی جے پی یونٹ صدرنے بتایا کہ ریلی کو کامیاب بنانے کی خاطر بی جے پی نے سبھی تیاریاں مکمل کی ہیں۔