ایم سی سی ضلعی ٹیموںنے۱۳ہزار قابلِ اعتراض مواد کو ہٹادیا

جموں//
الیکشن کمیشن آف اِنڈیا کی طرف سے لوک سبھا اِنتخابات۲۰۲۴ ء کے اعلان کے بعد چیف الیکٹورل آفس جموںوکشمیر کی نگرانی میں ایم سی سی نافذ کرنے کے لئے اِنتخابی مشینری حرکت میں آگئی اور اس بات کو یقینی بنایاکہ ایم سی سی کے نفاذ کے بارے میں الیکشن کمیشن کی ہدایات پر عمل کیا جائے۔
اِس سلسلے میں کی جانے والی کارروائی کے ایک حصے کے طور پر فلائنگ سکارڈاور ایم سی سی کی ٹیموں نے مشن موڈ میں سرکاری اور نجی املاک سے۱۲ہزار۹۶۳قابلِ اعتراض مواد کو ہٹادیا۔
اِس سلسلے میں تفصیلی بریفنگ دیتے ہوئے چیف الیکٹورل آفیسر کے دفتر کے ترجمان نے بتایا کہ جموںوکشمیر یوٹی کے تمام۲۰؍ اَضلاع سے کل۶۸۰ وال رائٹنگ ‘۳۸۱۵پوسٹروں‘۳۳۲۰ بینروں اور۵۱۴۸متعلقہ موادکو ہٹایا گیا ہے۔
اُنہوں نے مزید بتایا کہ ایم سی سی کی۳۵۷ ضلعی ٹیموں نے فلائنگ سکارڈ (ایف ایس ٹی) کے ساتھ مل کر قابل اعتراض مواد ہٹانے کا پورا عمل انجام دیا ہے۔