انڈونیشیا میں لینڈ سلائیڈنگ سے پانچ افراد ہلاک، پانچ لاپتہ

جکارتہ//
امدادی کارکنوں نے انڈونیشیا کے مغربی جاوا صوبے کے دو گاووں میں مٹی کے تودے گرنے سے ملبے تلے دبے بچوں سمیت پانچ لاشیں نکال لی ہیں، جب کہ پانچ دیگر لاپتہ ہیں۔
صوبائی سرچ اینڈ ریسکیو ایجنسی کے ایک اہلکار نے بدھ کو یہ اطلاع دی۔ ایجنسی کے آپریشنز یونٹ کے سربراہ سپریوانو کے مطابق پانچویں لاش بدھ کی صبح ایک دریا کے قریب ملیں، جو تباہی سے قبل متاثرہ کے آخری معلوم مقام سے تقریباً 20 کلومیٹر دور تھا۔ اس کے علاوہ پانچ افراد تاحال لاپتہ ہیں۔مقامی حکام کے مطابق لینڈ سلائیڈنگ سے تقریباً 30 مکانات اور دو مذہبی عبادت گاہیں تباہ ہو گئی ہیں۔ بدھ کے روز بھی امدادی کارکنوں نے کھڑی چٹانوں والے علاقوں میں لاپتہ افراد کی تلاش جاری رکھی۔
انڈونیشیا کو حالیہ مہینوں میں کئی لینڈ سلائیڈنگ اور سیلاب کا سامنا کرنا پڑا ہے۔