فضائیہ کا سرحدوں کی حفاظت کے ساتھ ساتھ خلائی پروگرام میں بھی اہم رول : مرمو

نئی دہلی// صدر جمہوریہ دروپدی مرمو نے جمعہ کو کہا کہ فضائیہ نہ صرف سرحدوں کی حفاظت کر رہی ہے بلکہ ملک کے خلائی پروگرام میں بھی اہم کردار ادا کر رہی ہے ۔
صدر جمہوریہ نے ایئر فورس اسٹیشن ہنڈن میں منعقدہ تقریب میں فضائیہ کے 45 اسکواڈرن اور 221 اسکواڈرن کو پریزنٹس اسٹنڈرڈ اور 11 بیس ریپیئر ڈپو اور 509 سگنل یونٹ کو صدارتی پرچم پیش کیا۔
اس موقع پر محترمہ مرمو نے کہا "یہ فضائیہ کے تمام افسران اور جوانوں کے لیے بڑے فخر کی بات ہے کہ اسرو کے گگن یان مشن کے لیے جن چار خلابازوں کو منتخب کیا گیا ہے ، وہ فضائیہ کے افسر ہیں۔”
صدر جمہوریہ نے کہا کہ ملک کی دفاع میں فضائیہ کا کردار سنہرے حروف سے لکھا ہوا ہے اور فضائیہ کے جنگجوؤں نے 1948ئ، 1965ئ، 1971ء اور 1999ء کی جنگوں میں کمال جرات، شجاعت، لگن اور قربانیوں کا مظاہرہ کیا۔
محترمہ مرمو نے ملک و بیرون ملک آفات کے دوران راحت اور بچاؤ کے کاموں میں بھی اہم کردار ادا کیا ہے ۔ ڈیوٹی کے تئیں بہادر فضائیہ کے جوانوں کی لگن اور عزم تمام شہریوں کے لیے مشعل راہ ہے ۔
صدر جمہوریہ نے کہا کہ سیکیورٹی کا منظر نامہ اور ترجیحات تیزی سے تبدیل ہو رہی ہیں اور دیگر شعبوں کی طرح دفاعی شعبے میں بھی ٹیکنالوجی کا کردار اہم ہوتا جا رہا ہے ۔ گزشتہ چند برسوں میں جدید ٹیکنالوجی کو اپنانے پر انہوں نے فضائیہ کی تعریف کی۔
محترمہ مرمو نے عالمی یوم خواتین کے موقع پر تمام خواتین کو مبارکباد پیش کرتے ہوئے کہا کہ یہ خوشی کی بات ہے کہ خواتین کو فضائیہ کی تمام شاخوں میں مساوی مواقع فراہم کیے جا رہے ہیں۔
انہوں نے کہا کہ فضائیہ میں خواتین کی کیریئر بنانے کی حوصلہ افزائی کی جا رہی ہے اور انہیں یقین ہے کہ آنے والے وقت میں زیادہ سے زیادہ لڑکیاں فضائیہ میں شامل ہو کر ملک کی خدمت کریں گی۔
صدر نے کہا کہ فضائیہ میں خواتین کی بڑھتی ہوئی نمائندگی سے یہ فورس مزید جامع ہوتی جا رہی ہے ۔