پرفارم کرکے ٹیم میں کم بیک کروں گا ، شاداب خان

اسلام آباد//) اسلام آباد یونائیٹڈ کے کپتان شاداب خان نے کہا ہے کہ جس نمبر پر بیٹنگ کر رہا ہوں وہاں خود کو بیٹنگ آل رائونڈر سمجھتا ہوں، اگر دیر سے بیٹنگ کررہا ہوتا تو پھر بولنگ آل رائونڈر کے طور پر تیار کرتا۔میچ کے بعد پریس کانفرنس کرتے ہوئے شاداب خان نے کہا کہ ورلڈکپ بہت دور ہے، ابھی پی ایس ایل میں آل رائونڈر رہوں تو بہت ہے، امید ہے پرفارم کرکے ٹیم میں کم بیک کروں گا۔
انہوں نے کہا کہ شان بھائی کو تھوڑی غلط فہمی ہوگئی تھی جس پر وہ ناراض ہوئے تھے، حیدر علی کو ہمیشہ پوری طرح بیک کیا، حیدر علی جیسے کھلاڑی کو جب آپ پلیٹ فارم دیتے ہیں تو وہ اچھا کرتا ہے۔انہوںنے کہاکہ دنیا میں کوئی اپنا نقصان نہیں چاہتا، اندازہ ہے کہ اگر بولنگ کروں گا تو ٹیم میں رہوں گا، آل رائونڈر ہونے کا فائدہ ہوتا ہے کہ کسی ایک چیز میں اچھا ہوجائے تو اعتماد بحال رہتا ہے۔شاداب خان نے کہا کہ کرکٹ میں بیٹنگ صلاحیت میری نیچرل ہی ہے، میری زیادہ محنت بولنگ میں ہوتی ہے۔